ಶಾಲಾ ಕೊಠಡಿ ನಿರ್ಮಾಣ

ಹೊಸಕೋಟೆ: ತಾಲ್ಲೂಕಿನ ಪಿಲ್ಲಗುಂಪೆ ಕೈಗಾರಿಕೆ ಪ್ರದೇಶದಲ್ಲಿ ಆಕ್ಜೋನೋಬಲ್ ಕೋಟಿಂಗ್ ಇಂಡಿಯಾ ಸಂಸ್ಥೆಯವರು ಚೋಳಪ್ಪನಹಳ್ಳಿಯಲ್ಲಿರುವ ಸರ್ಕಾರಿ ಕಿರಿಯ ಪ್ರಾಥಮಿಕ ಶಾಲೆಗೆ 7.50 ಲಕ್ಷ ರೂಪಾಯಿ ವೆಚ್ಚದಲ್ಲಿ ಎರಡು ಹೆಚ್ಚುವರಿ ಕೊಠಡಿಗಳನ್ನು ನಿರ್ಮಿಸಿಕೊಟ್ಟಿದ್ದಾರೆ.

ಕಂಪೆನಿಯ ವ್ಯವಸ್ಥಾಪಕ ನಿರ್ದೇಶಕ ರಾಬ್ ಮೊಲೆನಾರ್ ಇತ್ತೀಚೆಗೆ ಕೊಠಡಿಗಳನ್ನು ಉದ್ಘಾಟಿಸಿದರು. `ಹಳೆ ಕಟ್ಟಡ ಶಿಥಿಲಗೊಂಡಿದ್ದರಿಂದ ಗ್ರಾಮಸ್ಥರು ಮನವಿ ಸಲ್ಲಿಸಿದ್ದರು.

ಈ ಹಿನ್ನೆಲೆಯಲ್ಲಿ ಕಂಪೆನಿ ನೆರವು ನೀಡಿತ್ತು. ಶಾಲೆಗೆ ಬೇಕಾದ 2 ಬೀರು, ಮೇಜು, ಕುರ್ಚಿ ಮತ್ತಿತರ ಸೌಲಭ್ಯಗಳನ್ನು ಕಲ್ಪಿಸಿಕೊಟ್ಟಿದ್ದಾರೆ' ಎಂದು ಮುಖ್ಯ ಶಿಕ್ಷಕ ಜಿ.ಆರ್.ಪ್ರಕಾಶ್ ತಿಳಿಸಿದರು. ಕಂಪೆನಿಯ ವ್ಯವಸ್ಥಾಪಕ ಕನಕರಾಜ್ ಹಾಜರಿದ್ದರು.