ಸೂಟ್‌ಕೇಸ್ ದೋಚಿ ಪರಾರಿ

ಬೆಂಗಳೂರು: ವ್ಯಕ್ತಿಯೊಬ್ಬರ ಗಮನ ಬೇರೆಡೆ ಸೆಳೆದ ಇಬ್ಬರು ದುಷ್ಕರ್ಮಿಗಳು ಕಾರಿನಲ್ಲಿದ್ದ ಸೂಟ್‌ಕೇಸ್ ಕಳವು ಮಾಡಿರುವ ಘಟನೆ ಸಿಲ್ವರ್ ಜ್ಯುಬಿಲಿ ಪಾರ್ಕ್ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಶನಿವಾರ ನಡೆದಿದೆ.

ಈ ಸಂಬಂಧ ಮಂಡ್ಯ ಜಿಲ್ಲೆಯ ಮದ್ದೂರಿನ ಲೋಕೇಶ್ ದೂರು ನೀಡಿದ್ದಾರೆ. ಎನ್.ಆರ್.ರಸ್ತೆಯಲ್ಲಿರುವ ಹಾರ್ಮೋನಿಯಂ ಅಂಗಡಿಗೆ ಹೋಗಿ ಬಂದ ಲೋಕೇಶ್, ಕಾರು ಹತ್ತಲು ಹೋದಾಗ ದುಷ್ಕರ್ಮಿಗಳು ಅವರನ್ನು ಮಾತನಾಡಿಸುವ ನಾಟಕವಾಡಿದ್ದಾರೆ. ಹತ್ತು ರೂಪಾಯಿ ನೋಟುಗಳನ್ನು ಕೆಳಗೆ ಹಾಕಿ ನಿಮ್ಮ ಹಣ ಬಿದ್ದಿದೆ ಎಂದು ಗಮನ ಬೇರೆಡೆ ಸೆಳೆದಿದ್ದಾರೆ. ಲೋಕೇಶ್ ದುಡ್ಡು ತೆಗೆದುಕೊಳ್ಳುವಾಗ ದುಷ್ಕರ್ಮಿಗಳು ಕಾರಿನಲ್ಲಿದ್ದ ಸೂಟ್‌ಕೇಸ್ ದೋಚಿದ್ದಾರೆ ಎಂದು ಪೊಲೀಸರು ತಿಳಿಸಿದರು.