‘ಜೀನಿ ಕ್ಯಾಬ್‌’ ಸೇವೆ

ಬೆಂಗಳೂರು: ಸಾಮಾನ್ಯ ಜನರಿಗೆ ಕಡಿಮೆ ದರದಲ್ಲಿ ಸೇವೆ ನೀಡುವ ಉದ್ದೇಶದಿಂದ ‘ಮೇರು ಕ್ಯಾಬ್ಸ್‌’ ಸಂಸ್ಥೆಯು ನಗರದಲ್ಲಿ ಗುರುವಾರ ‘ಜೀನಿ ಕ್ಯಾಬ್‌’ ಸೇವೆಗೆ ಚಾಲನೆ ನೀಡಿದೆ.

ವಿ-ಲಿಂಕ್ ಗ್ರೂಪ್‌ ವ್ಯವಸ್ಥಾಪಕ ನಿರ್ದೇಶಕ ನೀರಜ್ ಗುಪ್ತಾ ಮಾತನಾಡಿ, ‘ಕ್ಯಾಬ್‌ ಹವಾನಿಯಂತ್ರಿತ ವ್ಯವಸ್ಥೆ ಹೊಂದಿದೆ. ಪ್ರಯಾಣಿಕರು ಪ್ರತಿ ಕಿ.ಮೀ.ಗೆ ₨12.50 ಪಾವತಿಸಬೇಕು. ದಿನದ 24 ಗಂಟೆ ಹಾಗೂ ವಾರದ ಏಳೂ ದಿನಗಳ ಕಾಲ ಕಸ್ಟಮರ್‌ ಕೇರ್‌ ಸೌಲಭ್ಯ ಲಭ್ಯವಾಗಲಿದೆ. ಕ್ಯಾಬ್‌ನಲ್ಲಿ ನಾಲ್ಕು ಮಂದಿ ಆರಾಮವಾಗಿ ಪ್ರಯಾಣಿಸಬಹುದು’ ಎಂದರು.

ಮೇರು ಕ್ಯಾಬ್ಸ್ ಮುಖ್ಯ ಕಾರ್ಯ­ನಿರ್ವಾಹಕ ಅಧಿಕಾರಿ ಸಿದ್ಧಾರ್ಥ ಪಾಹ್ವಾ ಮಾತನಾಡಿ, ಕ್ಯಾಬ್‌ ಸೌಲಭ್ಯ ಪಡೆಯಲು ಪ್ರಯಾಣಿಕರು 3399 3399 ಸಂಖ್ಯೆಗೆ ಕರೆ ಮಾಡಬಹುದು. ಜೀನಿ ಕ್ಯಾಬ್‌ ಪ್ರಯಾಣ ದರ ಆಟೊ ದರಕ್ಕಿಂತಲೂ ಕಡಿಮೆ’ ಎಂದರು.
ನಟಿ ಪ್ರಣೀತಾ ಸುಭಾಷ್‌ ನೂತನ ಕ್ಯಾಬ್‌ ಸೌಲಭ್ಯಕ್ಕೆ ಚಾಲನೆ ನೀಡಿದರು.