ಬಸ್‍ಗಳಲ್ಲಿ ಡ್ರಗ್ಸ್ ಸರಬರಾಜು: ಶ್ವಾನದಳ ತಪಾಸಣೆ

ಬೆಂಗಳೂರು: ಹೊರ ರಾಜ್ಯ ಹಾಗೂ ಹೊರ ಜಿಲ್ಲೆಗಳಿಂದ ನಗರಕ್ಕೆ ಬರುವ ಬಸ್‍ಗಳಲ್ಲಿ ಡ್ರಗ್ಸ್ ಸರಬರಾಜು ಆಗುತ್ತಿದೆ ಎಂಬ ಮಾಹಿತಿಯ ಮೇರೆಗೆ ಸಿಸಿಬಿ ಪೊಲೀಸರು ಮೆಜೆಸ್ಟಿಕ್‍ನಲ್ಲಿದ್ದ ಬಸ್‍ಗಳನ್ನು ಬುಧವಾರ ಬೆಳಿಗ್ಗೆ ತಪಾಸಣೆ ನಡೆಸಿದರು.

ಕೆಎಸ್ಆರ್‌ಟಿಸಿ ಬಸ್ ನಿಲ್ದಾಣಕ್ಕೆ ಬಸ್‍ಗಳಲ್ಲಿ ಬಂದಿದ್ದ ಕೋರಿಯರ್ ಹಾಗೂ ಪಾರ್ಸೆಲ್‍ಗಳನ್ನು ಶ್ವಾನದಳದೊಂದಿಗೆ ಪೊಲೀಸರು ಪರಿಶೀಲಿಸಿದರು. ಬಸ್‍ಗಳಲ್ಲಿ ಯಾವುದೇ ರೀತಿಯ ಮಾದಕ ವಸ್ತುಗಳು ಪತ್ತೆಯಾಗಲಿಲ್ಲ.