ದುಬೈನಿಂದಲೂ ಹೂಡಿಕೆ

ಬೆಂಗಳೂರು: ‘ಐಎಂಎ’ ಕಂಪನಿಗೆ ದುಬೈನಿಂದಲೂ ಜನ ಹಣ ಹೂಡಿಕೆ ಮಾಡಿದ್ದಾರೆ. ಆ ಬಗ್ಗೆ ಕಂದಾಯ ಇಲಾಖೆ ಉಪವಿಭಾಗಾಧಿಕಾ
ರಿಗೆ ದುಬೈನಿಂದ ಕರೆ ಬಂದಿದ್ದವು.

ಅಂಬಿಡೆಂಟ್‌ ವಂಚನೆ ಪ್ರಕರಣ ಬಯಲಾದಾಗ ಇದೇ ರೀತಿ ಜನರಿಂದ ಹೂಡಿಕೆ ಇದ್ದ ಕಂಪನಿಗಳ ಕಾರ್ಯವೈಖರಿ ಬಗ್ಗೆನಿಗಾ ವಹಿಸಲು ರಾಜ್ಯಕ್ಕೆ ಆರ್‌ಬಿಐ ಪತ್ರ ಬರೆದಿತ್ತು.

ಬೆಂಗಳೂರು ಉತ್ತರ ಉಪವಿಭಾಗಾಧಿಕಾರಿ ಎಲ್‌.ಸಿ. ನಾಗರಾಜ್ ನೇತೃತ್ವದಲ್ಲಿ ದೂರು ಪ್ರಾಧಿಕಾರವನ್ನು ರಚನೆಯಾಗಿತ್ತು.ಜನ ಎಷ್ಟು ಹೂಡಿಕೆ ಮಾಡಿದ್ದಾರೆ? ಆ ಕಂಪನಿಗಳ ಆಸ್ತಿ ಮೌಲ್ಯ ಎಷ್ಟಿದೆ? ಎಂಬುದನ್ನು ಪತ್ತೆ ಹಚ್ಚುವ ಕೆಲಸಪ್ರಾಧಿಕಾರ ಆರಂಭಿಸಿತ್ತು. ದೂರು
ಕೊಡಿ ಎಂದು ಹೂಡಿಕೆ ಮಾಡಿದವರಿಗೆ ವಾರ್ತಾ ಇಲಾಖೆ ಮೂಲಕಕನ್ನಡ, ಇಂಗ್ಲಿಷ್ ಪತ್ರಿಕೆಗಳಿಗೆ ಪ್ರಕಟಣೆ ಕೊಡಲಾಯಿತು. ಆದರೆ ಉರ್ದು ಪತ್ರಿಕೆಯಲ್ಲಿ ಪ್ರಕಟವಾಗಲಿಲ್ಲ.

ದುಬೈನಿಂದ ಕರೆ ಮಾಡಿ ‘ಐಎಂಎ ಕಂಪನಿಯಲ್ಲಿ ನಾವೂ ಹಣ ಹೂಡಿದ್ದೇವೆ. ಪ್ರತಿ ತಿಂಗಳು ಖಾತೆಗೆ ಹಣ ಜಮೆ ಆಗುತ್ತಿದೆ. ಸುಮ್ಮನೆ ಏಕೆ ತೊಂದರೆ ಕೊಡುತ್ತಿದ್ದೀರಿ’ ಎಂದಿದ್ದರು. ‘ದೂರು ಬಾರದ ಕಾರಣ ಆಗ ತನಿಖೆ ಮುಂದುವರಿಯಲಿಲ್ಲ. ತನಿಖೆ ನಡೆಸಲು ನಮಗೆ ಈಗ ಅಧಿಕಾರ ಇಲ್ಲ’ ಎಂದು ನಾಗರಾಜ್ ತಿಳಿಸಿದರು.