ಮಹಿಳೆ ಮೇಲೆ ಬೀದಿ ನಾಯಿ ದಾಳಿ

ಬೆಂಗಳೂರು: ಲಾಲ್‌ಬಾಗ್‌ನ ಸಿದ್ದಾಪುರದಲ್ಲಿ ಮಹಿಳೆಯೊಬ್ಬರ ಮೇಲೆ ಬೀದಿ ನಾಯಿಗಳ ಹಿಂಡು ಏಕಾಏಕಿ ದಾಳಿ ನಡೆಸಿ ಗಾಯಗೊಳಿಸಿದೆ.

‘ಮನೆಯಿಂದ ಹೊರಬಂದ ಕೂಡಲೇ 10ಕ್ಕೂ ಹೆಚ್ಚು ನಾಯಿಗಳು ದಾಳಿ ಮಾಡಿದವು. ಕೈ, ಕಾಲುಗಳಲ್ಲಿ ಗಾಯ ಆಗಿದೆ’ ಎಂದು ಗಾಯಾಳು ಗೀತಾ ಹೇಳಿದರು.

ಶುಕ್ರವಾರ ಬೀದಿನಾಯಿ ದಾಳಿ ನಡೆಸಿದ್ದವು. ವಿಕ್ಟೋರಿಯಾ ಆಸ್ಪತ್ರೆಯಲ್ಲಿ ಅವರು ಚಿಕಿತ್ಸೆ ಪಡೆದುಕೊಂಡಿದ್ದಾರೆ.

‘ಬೀದಿನಾಯಿಗಳ ಕಾಟ ಹೆಚ್ಚಿದೆ. ಮನೆಯಲ್ಲಿ ಮಕ್ಕಳನ್ನು ಬಿಟ್ಟು ಹೋಗಲು ಭಯ ಆಗುತ್ತದೆ. ಸ್ಥಳೀಯರು ಸಹಾಯ ಮಾಡದಿದ್ದರೆ ನಾಯಿಗಳು ನನ್ನನ್ನು ತಿಂದೇ ಬಿಡುತ್ತಿದ್ದವು’ ಎಂದರು.