ನಿವೃತ್ತ ಡಿಜಿ- ಐಜಿಪಿ ಎಸ್.ಸಿ. ಸಕ್ಸೇನಾ ನಿಧನ

ಬೆಂಗಳೂರು: ರಾಜ್ಯ ಪೊಲೀಸ್ ಮಹಾನಿರ್ದೇಶಕರಾಗಿ (ಡಿಜಿ-ಐಜಿಪಿ) ನಿವೃತ್ತರಾಗಿದ್ದ ಎಸ್.ಸಿ. ಸಕ್ಸೇನಾ (69) ಅವರು ಬುಧವಾರ ನಿಧನರಾದರು.

ಆರೋಗ್ಯ ಸಮಸ್ಯೆಯಿಂದ ಬಳಲುತ್ತಿದ್ದ ಅವರನ್ನು ಚಿಕಿತ್ಸೆಗಾಗಿ ಹೆಬ್ಬಾಳದ ಬ್ಯಾಪ್ಟಿಸ್ಟ್‌ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಅವರಿಗೆ ನಿವೃತ್ತ ಐಎಎಸ್ ಅಧಿಕಾರಿಯೂ ಆಗಿರುವ ಪತ್ನಿ ಮೀರಾ ಸಕ್ಸೇನಾ ಹಾಗೂ ಪುತ್ರ ಇದ್ದಾರೆ.

ಹೆಬ್ಬಾಳ ‌ಬಳಿಯ ಚಿತಾಗಾರದಲ್ಲಿ ಅಂತ್ಯಕ್ರಿಯೆ ನಡೆಸಲಾಯಿತು ಎಂದು ಕುಟುಂಬದವರು ತಿಳಿಸಿದರು.