ದಸರಾ, ದೀಪಾವಳಿಗೆ 4 ವಿಶೇಷ ರೈಲು: ಇಲ್ಲಿದೆ ಮಾರ್ಗ ವಿವರ

ಬೆಂಗಳೂರು: ದಸರಾ ಮತ್ತು ದೀಪಾವಳಿ ಪ್ರಯುಕ್ತ ಇನ್ನೂ ನಾಲ್ಕು ವಿಶೇಷ ರೈಲುಗಳ ಕಾರ್ಯಾಚರಣೆಗೆ ನೈರುತ್ಯ ರೈಲ್ವೆ ವ್ಯವಸ್ಥೆ ಮಾಡಿದೆ.

ಯಶವಂತಪುರ–ಕಣ್ಣೂರು, ಬೆಂಗಳೂರು ಕಂಟೋನ್ಮೆಂಟ್‌–ವಿಶಾಖಪಟ್ಟಣ, ಯಶವಂತಪುರ–ನರಸಾಪುರ, ಸರ್ ಎಂ.ವಿಶ್ವೇಶ್ವರಯ್ಯ ಟರ್ಮಿನಲ್–ಜಸೀಡೀಹ್‌ಗೆ(ಜಾರ್ಖಂಡ್) ವಿಶೇಷ ರೈಲುಗಳು ಸಂಚರಿಸಲಿವೆ.

ಯಶವಂತಪುರ–ಕಣ್ಣೂರು ವಿಶೇಷ ರೈಲು(06283/06284) ಯಶವಂತಪುರದಿಂದ ಅ.5ರಂದು ಬೆಳಿಗ್ಗೆ 7.10ಕ್ಕೆ ಹೊರಟು ಅದೇ ದಿನ ರಾತ್ರಿ 8.30ಕ್ಕೆ ಕಣ್ಣೂರು ತಲುಪಲಿದೆ. ಕಣ್ಣೂರಿನಿಂದ ರಾತ್ರಿ 11ಕ್ಕೆ ಹೊರಟು ಮರುದಿನ ಮಧ್ಯಾಹ್ನ 1 ಗಂಟೆಗೆ ಯಶವಂತಪುರಕ್ಕೆ ಬರಲಿದೆ.

ಕಂಟೋನ್ಮೆಂಟ್‌–ವಿಶಾಖಪಟ್ಟಣ ರೈಲು(08543/08544) ಅ.2ರಿಂದ ಅ.30ರವರೆಗೆ ವಾರಕ್ಕೊಮ್ಮೆ(ಭಾನುವಾರ) ಕಾರ್ಯಾಚರಣೆ ಮಾಡಲಿದೆ. ಮಧ್ಯಾಹ್ನ 3.50ಕ್ಕೆ ವಿಶಾಖಪಟ್ಟಣದಿಂದ ಹೊರಟು ಮರುದಿನ ಬೆಳಿಗ್ಗೆ 9.15ಕ್ಕೆ ಕಂಟೋನ್ಮೆಂಟ್ ನಿಲ್ದಾಣ ತಲುಪಲಿದೆ. ಅದೇ ರೀತಿ ಸೋಮವಾರ 3.50ಕ್ಕೆ ಕಂಟೋನ್ಮೆಂಟ್ ನಿಲ್ದಾಣದಿಂದ ಹೊರಟು ಮರುದಿನ ಬೆಳಿಗ್ಗೆ 11ಕ್ಕೆ ವಿಶಾಖಪಟ್ಟಣ ತಲುಪಲಿದೆ.

ನರಸಾಪುರ(ತೆಲಂಗಾಣ)–ಯಶವಂತಪುರ ವಿಶೇಷ ರೈಲು(07153/07154) ಅ.2ರಂದು ಮಧ್ಯಾಹ್ನ 3.10ಕ್ಕೆ ನರಸಾಪುರದಿಂದ ಹೊರಟು ಮರುದಿನ ಬೆಳಿಗ್ಗೆ 10.50ಕ್ಕೆ ಯಶವಂತಪುರಕ್ಕೆ ಬರಲಿದೆ. ಅದೇ ರೀತಿ ಸೋಮವಾರ ಮಧ್ಯಾಹ್ನ 3.50ಕ್ಕೆ ಯಶವಂತಪುರದಿಂದ ಹೊರಟು ನರಸಾಪುರಕ್ಕೆ ಬೆಳಿಗ್ಗೆ 8.30ಕ್ಕೆ ತಲುಪಲಿದೆ.

ವಾರಕ್ಕೊಮ್ಮೆ ಕಾರ್ಯಾಚರಣೆ ಮಾಡುವಸರ್ ಎಂ.ವಿಶ್ವೇಶ್ವರಯ್ಯ ಟರ್ಮಿನಲ್–ಜಸೀಡೀಹ್‌ ರೈಲು(22306/22305), ಜಸೀಡೀಹ್‌ನಿಂದ ಪ್ರತಿ ಶುಕ್ರವಾರ ಬೆಳಿಗ್ಗೆ 6.30ಕ್ಕೆ ಹೊರಟು ಶನಿವಾರ ರಾತ್ರಿ 8.15ಕ್ಕೆ ವಿಶೇಶ್ವರಯ್ಯ ಟರ್ಮಿನಲ್‌ಗೆ ಬರಲಿದೆ. ವಿಶ್ವೇಶ್ವರಯ್ಯ ನಿಲ್ದಾಣದಿಂದ ಭಾನುವಾರ ಬೆಳಿಗ್ಗೆ 10ಕ್ಕೆ ಹೊರಟು ಮಂಗಳವಾರ ರಾತ್ರಿ 12.55ಕ್ಕೆ ಜಸೀಡೀಹ್ ತಲುಪಲಿದೆ ಎಂದು ನೈರುತ್ಯ ರೈಲ್ವೆ ವೇಳಾಪಟ್ಟಿ ವಿವರಿಸಿದೆ.