ಬೆಂಗಳೂರು: ಡಿವೈಟಿ 16 (ಒಂದು ಬಗೆಯಪಾರ್ಕಿನ್ಸನ್) ಎಂಬ ಅಪರೂಪದ ಕಾಯಿಲೆಯಿಂದ ಬಳಲು ತ್ತಿದ್ದ ಒಮನ್ನ 5 ವರ್ಷದ ಬಾಲಕಿಗೆ ನಗರದ ವಿಕ್ರಮ್ ಆಸ್ಪತ್ರೆಯ ವೈದ್ಯರು ನಡೆಸಿದ ಶಸ್ತ್ರಚಿಕಿತ್ಸೆ ಯಶಸ್ವಿಯಾಗಿದೆ.
ಈ ಕಾಯಿಲೆಯಿಂದಾಗಿ ಬಾಲಕಿ ದೈನಂದಿನ ಚಟುವಟಿಕೆಗೆ ಬೇರೆಯವರನ್ನು ಅವಲಂಬಿಸಬೇಕಾಗಿತ್ತು. ಹಾಸಿಗೆಯಿಂದ ಎದ್ದು ಓಡಾಡಲೂ ಸಾಧ್ಯವಾಗುತ್ತಿರಲಿಲ್ಲ. ಈ ಸಮಸ್ಯೆಯನ್ನು ಗುರುತಿಸಿದ ವಿಕ್ರಮ್ ಆಸ್ಪತ್ರೆಯ ಡಾ.ಎಲ್.ಕೆ.ಪ್ರಶಾಂತ್,ಡಾ.ಕಿರಣ್ ಖಾನಾಪುರೆ,ಡಾ.ಎಸ್.ರಾಘವೇಂದ್ರ ಅವರನ್ನು ಒಳಗೊಂಡ ವೈದ್ಯರ ತಂಡ,ನಿರಂತರ 7 ಗಂಟೆಶಸ್ತ್ರಚಿಕಿತ್ಸೆ ನಡೆಸಿದೆ.
ಡಾ.ಎಲ್.ಕೆ.ಪ್ರಶಾಂತ್, ‘ಇದುವರೆಗೆ ವಿಶ್ವದಾದ್ಯಂತ ಕೇವಲ ನಾಲ್ಕು ಜನರಿಗೆ ಶಸ್ತ್ರಚಿಕಿತ್ಸೆ ಮಾಡಲಾಗಿದೆ. ಬಾಲಕಿಗೆ ಶಸ್ತ್ರಚಿಕಿತ್ಸೆ ನಡೆಸಿ ಒಂದು ತಿಂಗಳಾಗಿದ್ದು, ಆಕೆಯ ಆರೋಗ್ಯದಲ್ಲಿ ಗಮನಾರ್ಹವಾದ ಸುಧಾರಣೆ ಕಂಡು ಬರುತ್ತಿದೆ’ ಎಂದು ಹೇಳಿದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.