ದೇವಸ್ಥಾನದ ಹುಂಡಿಗೆ ಕನ್ನ

ಬೆಂಗಳೂರು: ಹೆಗಡೆನಗರದ ಎರಡನೇ ಅಡ್ಡರಸ್ತೆಯಲ್ಲಿರುವ ನಾಗಲಿಂಗೇಶ್ವರ ದೇವಸ್ಥಾನದ ಹಿಂಭಾಗದಲ್ಲಿರುವ ಬಾಗಿಲಿನ ಬೀಗ ಒಡೆದು ಕಳ್ಳರು, ದೇವರ ಹುಂಡಿ ಕಳವು ಮಾಡಿದ್ದಾರೆ.

ಲಾಕ್‌ಡೌನ್‌ ಹಿನ್ನೆಲೆಯಲ್ಲಿ ಹೆಗಡೆನಗರದ ಸುತ್ತಮುತ್ತ ಪೊಲೀಸ್‌ ಭದ್ರತೆ ಇದ್ದರೂ, ಕಳವು ನಡೆದಿರುವುದು ಸ್ಥಳೀಯರಲ್ಲಿ ಅಚ್ಚರಿ ಮೂಡಿಸಿದೆ.

ಸಮೀಪದಲ್ಲೇ ದೇವಸ್ಥಾನದ ಅರ್ಚಕರ ಮನೆ ಇದೆ. ಕಳ್ಳರು ಆ ಮನೆಗೆ ಹೊರಗಿನಿಂದ ಲಾಕ್‌ ಹಾಕಿ ಈ ಕೃತ್ಯ‌ ಎಸಗಿದ್ದಾರೆ. ಬೆಳಿಗ್ಗೆ ಕಳವು ನಡೆದಿರುವುದು ಬಯಲಿಗೆ ಬಂದಿದೆ.

ದೇವಸ್ಥಾನದ ಕುರಿತು ಸಂಪೂರ್ಣ ಮಾಹಿತಿ ಇರುವವರೇ ಕಳವು ನಡೆಸಿರುವ ಶಂಕೆ ವ್ಯಕ್ತವಾಗಿದೆ. ಸಂಪಿಗೆಹಳ್ಳಿ ಠಾಣೆಯಲ್ಲಿ‌ ಪ್ರಕರಣ ದಾಖಲಾಗಿದೆ.