ಪೂರ್ಣಗೊಳ್ಳದ ಟ್ಯಾಂಕ್‌ ಪಂಚಾಯಿತಿಗೆ ಹಸ್ತಾಂತರ

ಜನವಾಡ: ಬೀದರ್ ತಾಲ್ಲೂಕಿನ ಚಿಟ್ಟಾ ಗ್ರಾಮ ಪಂಚಾಯಿತಿ ಅಧ್ಯಕ್ಷೆ, ಅಭಿವೃದ್ಧಿ ಅಧಿಕಾರಿ ಹಾಗೂ ಕಿರಿಯ ಎಂಜಿನಿಯರ್ ಇನ್ನೂ ಪೂರ್ಣಗೊಳ್ಳದ ಕುಡಿಯುವ ನೀರಿನ ಟ್ಯಾಂಕ್‌ ಅನ್ನು ಪಂಚಾಯಿತಿಗೆ ಹಸ್ತಾಂತರ ಮಾಡಿಕೊಂಡಿದ್ದಾರೆ.

ಚಿಟ್ಟಾ ಗ್ರಾಮದ ಪರಿಶಿಷ್ಟ ಓಣಿಯಲ್ಲಿ ಕುಡಿಯುವ ನೀರಿನ ಟ್ಯಾಂಕ್‌ ನಿರ್ಮಾಣ ಹಾಗೂ ಪೈಪ್‌ ಅಳವಡಿಕೆಗೆ ₹ 50 ಲಕ್ಷ ಮಂಜೂರಾಗಿದೆ. ನೀರಿನ ಟ್ಯಾಂಕ್‌ ಕಾಮಗಾರಿ ಕ್ರಿಯಾ ಯೋಜನೆ ಪ್ರಕಾರ ಮಾಡಿಲ್ಲ. 500 ಮನೆಗಳಿಗೆ ಪೈಪ್‌ಲೈನ್‌ ಸಂಪರ್ಕ ಕಲ್ಪಿಸುವ ಬದಲು ಕೇವಲ 25 ಜನರಿಗೆ ಪ್ಲಾಸ್ಟಿಕ್ ನಳಗಳನ್ನು ಕೊಡಲಾಗಿದೆ. ಕಾಮಗಾರಿಯ ಸಂಪೂರ್ಣ ಹಣ ಎತ್ತಿ ಹಾಕಲಾಗಿದೆ.

ಗ್ರಾ.ಪಂ ಅಧ್ಯಕ್ಷೆ, ಪಿಡಿಒ ವಿರುದ್ಧ ಕ್ರಮ ಕೈಗೊಳ್ಳಬೇಕು. ಬಾಕಿ ಇರುವ ಕಾಮಗಾರಿ ಪೂರ್ಣಗೊಳಿಸಬೇಕು.
ರೇಣುಕಾ ದಿಗಂಬರ, ಗ್ರಾ.ಪಂ. ಸದಸ್ಯೆ, ಚಿಟ್ಟಾ