ಚಿಟಗುಪ್ಪ: ಬೈಕ್‌ಗಳ ಡಿಕ್ಕಿ; ಇಬ್ಬರ ಸಾವು
Published 21 ಫೆಬ್ರುವರಿ 2022, 6:11 IST
ಚಿಟಗುಪ್ಪ ತಾಲ್ಲೂಕಿನ ಮುತ್ತಂಗಿ-ನಿರ್ಣಾ ಗ್ರಾಮಗಳ ರಸ್ತೆ ಮೇಲೆ ಭಾನುವಾರ ಸಂಜೆ ಸಂಭವಿಸಿದ ಬೈಕ್ ಗಳ ಡಿಕ್ಕಿಯಲ್ಲಿ ನಜ್ಜುಗುಜ್ಜಾದ ಎರಡು ಬೈಕ್ ಗಳು
ಚಿಟಗುಪ್ಪ: ಎರಡು ಬೈಕ್‌ಗಳು ಮುಖಾಮುಖಿ ಡಿಕ್ಕಿ ಹೊಡೆದಿ ದ್ದರಿಂದ ಇಬ್ಬರು ಸವಾರರು ಸ್ಥಳದಲ್ಲಿಯೇ ಮೃತಪಟ್ಟ ಘಟನೆ ತಾಲ್ಲೂಕಿನ ಮುತ್ತಂಗಿ ಗ್ರಾಮದಿಂದ ನಿರ್ಣಾ ಗ್ರಾಮಕ್ಕೆ ಹೋಗುವ ರಸ್ತೆ ಮೇಲೆ ಭಾನುವಾರ ಸಂಭವಿಸಿದೆ.
ಬೈಕ್ ಮೇಲೆ ಇಬ್ಬರು ಸವಾರರು ಮುತ್ತಂಗಿದಿಂದ ನಿರ್ಣಾ ಹೋಗುವಾಗ ಎದುರುಗಡೆಯಿಂದ ಬಂದ ಇಬ್ಬರು ಕುಳಿತ ಬೈಕ್ ಮಧ್ಯ ಮುಖಾಮುಖಿ ಡಿಕ್ಕಿ ಸಂಭವಿಸಿ ನಿರ್ಣಾ ಗ್ರಾಮದ ನಿವಾಸಿ ಸಂತೋಷ ತುಕಾರಾಮ (18), ಬಸೀಲಾಪುರ್‌ ನಿವಾಸಿ ಸಂಜು ವಿಶ್ವನಾಥ ನಾಯಕ (41) ಇಬ್ಬರು ಸ್ಥಳದಲ್ಲಿ ಮೃತಪಟ್ಟಿದ್ದಾರೆ. ಎರಡೂ ಬೈಕ್‌ಗಳ ಹಿಂಬದಿ ಸವಾರರಿಗೆ ಗಂಭೀರ ಸ್ವರೂಪದ ಗಾಯಗಳಾಗಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.
ಮನ್ನಾಎಖ್ಖೇಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.