ಪ್ರಜಾವಾಣಿ ಫಲಶ್ರುತಿ | ಹುಮನಾಬಾದ್‌ನ ಪುಟ್‌ಬಾತ್ ತೆರವು

ಹುಮನಾಬಾದ್: ಅನೇಕ ವರ್ಷಗಳಿಂದ ಹುಮನಾಬಾದ್ ಪಟ್ಟಣದಲ್ಲಿನ ಫುಟ್‌ಪಾತ್‌ ಒತ್ತುವರಿ ಆಗಿರುವುದನ್ನು ಗುರುವಾರ ತೆರವು ಮಾಡಲಾಯಿತು.

ಪಟ್ಟಣದಲ್ಲಿನ ಎಲ್ಲೆಂದರಲ್ಲಿ ವಾಹನ ನಿಲುಗಡೆ ಮಾಡಲಾಗುತ್ತಿತ್ತು. ಈ ಕುರಿತು ಪ್ರಜಾವಾಣಿ ’ಅಡ್ಡಾದಿಡ್ಡಿ ವಾಹನ ನಿಲುಗಡೆ ಸಂಚಾರಕ್ಕೆ ತೊಂದರೆ’ ಎಂಬ ಶೀರ್ಷಿಕೆಯಡಿ ಬುಧವಾರ ವಿಶೇಷ ವರದಿ ಪ್ರಕಟಿಸಿತ್ತು.

ಈ ವರದಿಯಿಂದ ಪುರಸಭೆ ಹಾಗೂ ಪೊಲೀಸ್ ಅಧಿಕಾರಿಗಳು ಎಚ್ಚೆತ್ತುಕೊಂಡು ತಮ್ಮ ಸಿಬ್ಬಂದಿಗಳ ಸಹಾಯದಿಂದ ಪಟ್ಟಣದ ಡಾ.ಬಿ.ಆರ್. ಅಂಬೇಡ್ಕರ್ ವೃತ್ತದಿಂದ ಬಾಲಾಜಿ ಮಂದಿರದವರೆಗೆ ತೆರವು ಮಾಡಿ ವಾಹನಗಳು ನಿಲ್ಲುವುದಕ್ಕೆ ರಸ್ತೆಯ ಪಕ್ಕದಲ್ಲಿ ಸ್ಥಳ ಗುರುತಿಸಿದರು.