ಬೀದರ್ | ನೇಮಕಾತಿ ಪರೀಕ್ಷೆ: ಉಚಿತ ಕಾರ್ಯಾಗಾರ ನಾಳೆ

ಬೀದರ್: ಸ್ಪರ್ಧಾ ಗುರು ಐ.ಎ.ಎಸ್ ಮತ್ತು ಕೆ.ಎ.ಎಸ್. ಸ್ಟಡಿ ಸೆಂಟರ್‌ನಿಂದ ವಿವಿಧ ನೇಮಕಾತಿ ಪರೀಕ್ಷೆ ಕುರಿತು ನಗರದ ಗುಂಪಾ ರಸ್ತೆಯ ಬಸವ ವಿಜ್ಞಾನ ಹಾಗೂ ವಾಣಿಜ್ಯ ಪದವಿಪೂರ್ವ ಕಾಲೇಜಿನಲ್ಲಿ ಮಾ.10ರಂದು ಬೆಳಿಗ್ಗೆ 10.30ಕ್ಕೆ ಉಚಿತ ವಿಶೇಷ ಕಾರ್ಯಾಗಾರ ಹಮ್ಮಿಕೊಳ್ಳಲಾಗಿದೆ ಎಂದು ಕೇಂದ್ರದ ಮುಖ್ಯಸ್ಥ ಅಮಿತ್ ಸೋಲಪುರ ತಿಳಿಸಿದ್ದಾರೆ.

ಕಾರ್ಯಾಗಾರದಲ್ಲಿ ಗ್ರಾಮ ಆಡಳಿತ ಅಧಿಕಾರಿ, ಭೂ ಮಾಪಕ, ಟಿ.ಇ.ಟಿ, ಕೆ.ಎ.ಎಸ್. ಮೊದಲಾದ ನೇಮಕಾತಿ ಪರೀಕ್ಷೆಗಳ ಕುರಿತು ಮಾರ್ಗದರ್ಶನ ಮಾಡಲಾಗುವುದು. 100 ಅಂಕಗಳ ಮಾದರಿ ಪರೀಕ್ಷೆ ಸಹ ನಡೆಸಲಾಗುವುದು. 2023 ರಲ್ಲಿ ಟಿ.ಇ.ಟಿ. ಅರ್ಹತೆ ಗಳಿಸಿದ ಹಾಗೂ ವಿವಿಧ ಹುದ್ದೆಗಳಿಗೆ ಆಯ್ಕೆಯಾದ ಅಭ್ಯರ್ಥಿಗಳನ್ನು ಸನ್ಮಾನಿಸಲಾಗುವುದು ಎಂದು ಶುಕ್ರವಾರ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. ಹೆಸರು ನೋಂದಣಿಗೆ ಮೊಬೈಲ್ ಸಂಖ್ಯೆ 8105332701/ 8105327282 ಸಂಪರ್ಕಿಸಬಹುದು.