ನರೇಗಾದ ಲಾಭ ಪಡೆಯಲು ಸಲಹೆ

ಹುಮನಾಬಾದ್: ‘ನರೇಗಾ ಯೋಜನೆಯ ಸದುಪಯೋಗ ಪಡೆದುಕೊಳ್ಳಿ’ ಎಂದು ತಾಲ್ಲೂಕು ಪಂಚಾಯಿತಿ ಕಾರ್ಯನಿರ್ವಾಹಣಾಧಿಕಾರಿ ಮುರುಗೇಪ್ಪ ವಸ್ತ್ರದ ಸಲಹೆ ನೀಡಿದರು.

ತಾಲ್ಲೂಕಿನ ಚೀನಕೇರಾ ಗ್ರಾಮದ ನರೇಗಾ ಕಾಮಗಾರಿ ಸ್ಥಳದಲ್ಲಿ ರೋಜಗಾರ್ ದಿನ ಹಾಗೂ ದುಡಿಯೋಣ ಬಾ ಅಭಿಯಾನಕ್ಕೆ ಚಾಲನೆ ನೀಡಿ ಅವರು ಮಾತನಾಡಿದರು.

60 ವರ್ಷ ಮೇಲ್ಪಟ್ಟವರಿಗೂ ಕೆಲಸ ಮಾಡಲು ಅವಕಾಶವಿದೆ. ಅಂಗವಿಕಲರು, ಮಹಿಳೆಯರು ಸೇರಿದಂತೆ ದುರ್ಬಲ ವರ್ಗಗಳಿಗೆ ಆದ್ಯತೆ ಮೇರೆಗೆ ಉದ್ಯೋಗ ಚೀಟಿ ಮತ್ತು ಕೆಲಸ ನೀಡಲಾಗುತ್ತದೆ ಎಂದು ಹೇಳಿದರು.

ತಾಲ್ಲೂಕು ‍ಪಂಚಾಯಿತಿ ಸಹಾಯಕ ನಿರ್ದೇಶಕ ಸಂಜುಕುಮಾರ ಅವುಂಟ್ಗಿ ಮಾತನಾಡಿದರು.‌

ತಾ.ಪಂ. ತಾಂತ್ರಿಕ ಸಂಯೋಜಕ ಶಿವರಾಜ ಪಾಟೀಲ, ಎಂಐಎಸ್ ಸಂಯೋಜಕ ಎಂ.ಡಿ.ಮೌಲಾನ, ತಾಂತ್ರಿಕ ಸಹಾಯಕ ಪವನ್ ಕುಮಾರ್, ಬಿ.ಎಫ್.ಟಿ ತುಕಾರಾಮ, ಪಿಡಿಒ ಸುಗಂಧ, ತಾ.ಪಂ. ಐಇಸಿ ಸಂಯೋಜಕ ಉಮೇಶ ಇದ್ದರು.