'ಪ್ರಜಾವಾಣಿ' ಫಲಶ್ರುತಿ: ರಸ್ತೆಯಲ್ಲಿ ದನ ಬಿಡದಂತೆ ಸೂಚನೆ

ಹುಮನಾಬಾದ್: ಪಟ್ಟಣದ ಪ್ರಮುಖ ರಸ್ತೆಗಳಲ್ಲಿ ದನಗಳನ್ನು ಬಿಡಬಾರದು ಎಂದು ಪುರಸಭೆಯಿಂದ ಧ್ವನಿವರ್ಧಕದ ಮೂಲಕ ಸಾರ್ವಜನಿಕರಿಗೆ ಮನವಿ ಮಾಡಲಾಯಿತು.

ಈ ಕುರಿತು ಪ್ರಜಾವಾಣಿಯ ಜು 18ರ ಸಂಚಿಕೆಯಲ್ಲಿ ‘ರಸ್ತೆ ಮಧ್ಯದಲ್ಲೇ ಮಲಗುವ ದನಗಳು ಸಂಚಾರಕ್ಕೆ ತೊಂದರೆ’ ವರದಿ ಪ್ರಕಟಗೊಂಡಿತ್ತು.

‘ದನಗಳು ಇನ್ನೂ ಮುಂದೆ ರಸ್ತೆಯಲ್ಲಿ ಕಂಡು ಬಂದರೆ ಸಂಬಂಧಪಟ್ಟ ಇಲಾಖೆಯ ಸಹಕಾರದಿಂದ ಗೋ ಶಾಲೆಗೆ ಕಳುಹಿಸಲಾಗುವುದು’ ಎಂದು ಪುರಸಭೆ ಮುಖ್ಯಾಧಿಕಾರಿ ಅನೀಕುಮಾರ್ ಕುಲಕರ್ಣಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.