ಕಳವು: ಆರೋಪಿ ಬಂಧನ

ಬೀದರ್: ಹುಮನಾಬಾದ್ ಪಟ್ಟಣದ ಮನೋಹರ ಪೂಜಾರಿ ಅವರ ಮನೆಯಲ್ಲಿ ಕಳ್ಳತನ ಮಾಡಿದ್ದ ಆರೋಪಿಯನ್ನು ಪೊಲೀಸರು ಹುಮನಾಬಾದ್‍ನಲ್ಲಿ ಗುರುವಾರ ಬಂಧಿಸಿದ್ದಾರೆ.

ವಾಂಜರಿಯ ಶರಣಪ್ಪ ಪೊತೆನೋರ್ ಬಂಧಿತ ಆರೋಪಿ. ಬಂಧಿತನಿಂದ 101 ಗ್ರಾಂ ಚಿನ್ನ, ₹ 30 ಸಾವಿರ ನಗದು ಸೇರಿ ₹4.78 ಲಕ್ಷದ ಸಾಮಗ್ರಿಗಳನ್ನು ವಶಪಡಿಸಿಕೊಳ್ಳಲಾಗಿದೆ.

ಹುಮನಾಬಾದ್ ವೃತ್ತದ ಸಿಪಿಐ ಮಲ್ಲಿಕಾರ್ಜುನ ಎಂ. ಯಾತನೂರ್ ಅವರ ನೇತೃತ್ವದಲ್ಲಿ ನಡೆದ ಕಾರ್ಯಾಚರಣೆಯಲ್ಲಿ ಪಿಎಸ್‍ಐಗಳಾದ ರವಿಕುಮಾರ, ಕಿರಣ, ಸಿಬ್ಬಂದಿ ಮಲ್ಲಪ್ಪ, ನವೀನ್, ನಸೀದ್, ಸಿದ್ರಾಮ, ರಮೇಶ, ವಸಂತರಾವ್, ದುಂಡಪ್ಪ ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದರು ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ತಿಳಿಸಿದ್ದಾರೆ.