ಕರ್ನಾಟಕ ಕಾಲೇಜಿಗೆ ಪಿಜಿಯಲ್ಲಿ ಮೂರು ರ್‍ಯಾಂಕ್‌

ಬೀದರ್‌: ಗುಲಬರ್ಗಾ ವಿಶ್ವವಿದ್ಯಾಲಯವು 2023–24ನೇ ಸಾಲಿನ ಸ್ನಾತಕೋತ್ತರ ಪದವಿ ಫಲಿತಾಂಶ ಘೋಷಿಸಿದ್ದು, ನಗರದ ಕರ್ನಾಟಕ ಕಾಲೇಜಿನ ಮೂವರು ವಿದ್ಯಾರ್ಥಿಗಳು ರ್‍ಯಾಂಕ್‌ ಗಳಿಸಿದ್ದಾರೆ.

ಎಂಎಸ್‌ಸಿಯಲ್ಲಿ ರೋಹಿಣಿ ಶಶಿಕಾಂತ ಮೊದಲ ರ‍್ಯಾಂಕ್ ಹಾಗೂ ಸ್ಟೆಲ್ಲಾ ರಾಣಿ ದ್ವಿತೀಯ ರ‍್ಯಾಂಕ್ ಪಡೆದರೆ, ಎಂ.ಕಾಂನಲ್ಲಿ ಪೂಜಾ ಶಿವಕುಮಾರ ಮೂರನೇ ರ‍್ಯಾಂಕ್ ಗಳಿಸಿದ್ದಾರೆ.

‘ವಿದ್ಯಾರ್ಥಿಗಳು ಪರೀಕ್ಷೆಯಲ್ಲಿ ಉತ್ತಮ ಸಾಧನೆ ತೋರಿ ಕಾಲೇಜಿನ ಕೀರ್ತಿ ಹೆಚ್ಚಿಸಿರುವುದು ಸಂತಸ ತಂದಿದೆ’ ಎಂದು ಕೆಆರ್‌ಇ ಸಂಸ್ಥೆಯ ಅಧ್ಯಕ್ಷ ಬಸವರಾಜ ಜಾಬಶೆಟ್ಟಿ, ಉಪಾಧ್ಯಕ್ಷ ಬಿ.ಜಿ.ಶೆಟಕಾರ, ಕಾರ್ಯದರ್ಶಿ ಸತೀಶ ಪಾಟೀಲ, ಜಂಟಿ ಕಾರ್ಯದರ್ಶಿ ಶಿವಾನಂದ ಗಾದಗೆ, ಪ್ರಾಚಾರ್ಯ ಮಲ್ಲಿಕಾರ್ಜುನ ಹಂಗರಗಿ, ಉಪ ಪ್ರಾಚಾರ್ಯ ಸೋಮನಾಥ ಬಿರಾದಾರ, ಪಿಜಿ ಸಂಯೋಜಕ ಶಶಿಧರ ಪಾಟೀಲ ಸಂತಸ ವ್ಯಕ್ತಪಡಿಸಿದ್ದಾರೆ.