ಫೆನ್ಸಿಂಗ್ ಚಾಂಪಿಯನ್‌ಶಿಪ್‌: ಕೃತಿಕಾಗೆ ಬೆಳ್ಳಿ ಪದಕ

ಚಾಮರಾಜನಗರ: ಈಚೆಗೆ ಬೆಂಗಳೂರಿನ ಕಂಠೀರವ ಕ್ರೀಡಾಂಗಣದಲ್ಲಿ ಕರ್ನಾಟಕ ಫೆನ್ಸಿಂಗ್ ಅಸೋಸಿಯೇಷನ್ ವತಿಯಿಂದ ಆಯೋಜಿಸಿದ್ದ ರಾಜ್ಯ ಮಟ್ಟದ ಫೆನ್ಸಿಂಗ್ ಚಾಂಪಿಯನ್ ಶಿಪ್‌ನ ಸಬ್ ಜೂನಿಯರ್ ವಿಭಾಗದಲ್ಲಿ ಸಂತೇಮರಹಳ್ಳಿಯ ಖೇಲೋ ಇಂಡಿಯಾ ಸಂಸ್ಥೆಯ ವಿದ್ಯಾರ್ಥಿನಿ ಎನ್.ಕೃತಿಕಾ ಬೆಳ್ಳಿ ಪದಕ ಪಡೆದಿದ್ದಾರೆ.

ಸಂತೇಮರಹಳ್ಳಿಯ ಬಾಲು ಹೋಟೆಲ್ ಮಾಲೀಕ ಬಾಲು ಅವರ ಮೊಮ್ಮಗಳಾದ ಎನ್.ಕೃತಿಕಾ ಮೈಸೂರು ದಸರಾ ಕ್ರೀಡಾಕೂಟದಲ್ಲಿ ಕಂಚಿನ ಪದಕ ಕೂಡ ಪಡೆದಿದ್ದರು ಎಂದು ಸಂಸ್ಥೆಯ ತರಬೇತುದಾರರಾದ ಗಜಾನಂದ್ ಹಾಗೂ ಪವನ್ ತಿಳಿಸಿದ್ದಾರೆ.