ಮುಳ್ಳೂರು ಗ್ರಾ.ಪಂ ನೂತನ ಉಪಾಧ್ಯಕ್ಷರಾಗಿ ದೊರೆರಾಜು ಆಯ್ಕೆ

ಕೊಳ್ಳೇಗಾಲ: ತಾಲ್ಲೂಕಿನ ಮುಳ್ಳೂರು ಗ್ರಾಮ ಪಂಚಾಯಿತಿ ನೂತನ ಉಪಾಧ್ಯಕ್ಷರಾಗಿ ಎಂ.ದೊರೆರಾಜು ಅವರು ಅವಿರೋಧವಾಗಿ ಗುರುವಾರು ಆಯ್ಕೆಗೊಂಡರು.

ದೊರೆರಾಜು ಅವರು ಮಾತ್ರ ನಾಮಪತ್ರ ಸಲ್ಲಿಸಿದ್ದರು. ಹಾಗಾಗಿ ಅವರ ಅವಿರೋಧ ಆಯ್ಕೆಯನ್ನು ಚುನಾವಣಾಧಿಕಾರಿ ನಾಗೇಂದ್ರ ಘೋಷಣೆ ಮಾಡಿದರು.

ಈ ಹಿಂದೆ ಉಪಾಧ್ಯಕ್ಷರಾಗಿದ್ದ ಎನ್.ಮಹೇಶ್ ಕಳೆದ ತಿಂಗಳು ರಾಜೀನಾಮೆ ನೀಡಿದ್ದರು. 15 ಸದಸ್ಯರ ಪೈಕಿ 10 ಸದಸ್ಯರು ಚುನಾವಣೆ ವೇಳೆ ಹಾಜರಿದ್ದರು.

ಮುಳ್ಳೂರು ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಕಮಲ, ಸದಸ್ಯ ಸಿದ್ದಶೆಟ್ಟಿ, ಎಚ್.ನಂಜುಂಡಸ್ವಾಮಿ, ಮಹದೇವಮ್ಮ, ಎನ್.ಮಹೇಶ್, ಚಂದ್ರ ಬಾಬ, ರುಕ್ಕುರಮ್ಯ, ಮಹದೇವಮ್ಮ ಇತರರು ಇದ್ದರು.