ಹನೂರು: ಗೋಡೆ ಕುಸಿದು ವೃದ್ಧೆ ಸಾವು

ಹನೂರು (ಚಾಮರಾಜನಗರ ಜಿಲ್ಲೆ): ಸೋಮವಾರ ತಡರಾತ್ರಿ ಸುರಿದ ಭಾರಿ ಮಳೆಗೆ, ತಾಲ್ಲೂಕಿನ ಸಿಂಗನಲ್ಲೂರಿನ ಮನೆಯ ಗೋಡೆ ಕುಸಿದು ರಂಗಮ್ಮ(82) ಮೃತಪಟ್ಟರು.

ಮಕ್ಕಳಾದ ಲಕ್ಷ್ಮಮ್ಮ ಹಾಗೂ ರಂಗಯ್ಯ ಅವರು, ಗೋಡೆ ಕುಸಿದ ಶಬ್ದದಿಂದ ಎಚ್ಚರಗೊಂಡು ದಿಢೀರನೆ ಹೊರಗೆ ಬಂದು ಪ್ರಾಣಾಪಾಯದಿಂದ ಪಾರಾದರು.
‌‌
ಚಾಮರಾಜನಗರದಲ್ಲಿ ಚೆನ್ನಾಪುರದ ಮೊಳೆ ರಸ್ತೆ, ಬಿ.ರಾಚಯ್ಯ ಜೋಡಿ ರಸ್ತೆ, ಕರಿನಂಜನಪುರ ಬಡಾವಣೆಗಳಿಗೆ ನೀರು ನುಗ್ಗಿತ್ತು. ರಸ್ತೆಗಳು ಜಲಾವೃತಗೊಂಡು ವಾಹನಗಳ ಸಂಚಾರಕ್ಕೆ ಅಡ್ಡಿಯಾಯಿತು.