ಕೊಳ್ಳೇಗಾಲ | ರಾಗಿ ಒಕ್ಕಣೆ ಯಂತ್ರಕ್ಕೆ ಸಿಲುಕಿ ಮಹಿಳೆಯ ಕೈ ತುಂಡು

ಕೊಳ್ಳೇಗಾಲ (ಚಾಮರಾಜನಗರ ಜಿಲ್ಲೆ): ತಾಲ್ಲೂಕಿನ ಸತ್ತೇಗಾಲ ಗ್ರಾಮದಲ್ಲಿ ಬುಧವಾರ ರಾಗಿ ಒಕ್ಕಣೆ ಮಾಡುವಾಗ ಯಂತ್ರಕ್ಕೆ ಸಿಲುಕಿ ಕಾರ್ಮಿಕ ಮಹಿಳೆ, ನಗರದ ಮುಡಿಗುಂಡ ಬಡಾವಣೆ ನಿವಾಸಿ ನಾಗಮ್ಮ ಅವರ ಎಡಗೈ ತುಂಡಾಗಿದೆ.

‘ಅವರೂ ಸೇರಿ ನಾಲ್ವರು ಮಹಿಳೆಯರು ಒಕ್ಕಣೆಯಲ್ಲಿ ತೊಡಗಿದ್ದರು. ಚಾಲಕ ಚಾಮುಂಡಿ, ಮಾಲೀಕ ಅಣ್ಣಗಳ್ಳಿ ಬಸವರಾಜು ಸುರಕ್ಷಾ ಕ್ರಮ ಕೈಗೊಂಡಿರಲಿಲ್ಲ’ ಎಂದು ದೂರಲಾಗಿದೆ.

ಪ್ರಥಮ ಚಿಕಿತ್ಸೆ ಕೊಡಿಸಿ, ಹೆಚ್ಚಿನ ಚಿಕಿತ್ಸೆಗೆ ಮೈಸೂರಿನ ಖಾಸಗಿ ಆಸ್ಪತ್ರೆಗೆ ಕಳುಹಿಸಲಾಯಿತು. ಗ್ರಾಮಾಂತರ ಠಾಣೆಗೆ ಮಹಿಳೆ ಅವರ ಮಗಳು ಚನ್ನಾಜಮ್ಮ ದೂರು ನೀಡಿದ್ದಾರೆ.