ಒಂದೇ ದಿನ 31 ಮಂದಿಗೆ ಸೋಂಕು

ಚಿಕ್ಕಬಳ್ಳಾಪುರ: ಜಿಲ್ಲೆಯಲ್ಲಿ ಬುಧವಾರ ಏಕಾಏಕಿ ಕೊರೊನಾ ಸೋಂಕಿತರು ಹೆಚ್ಚಿದ್ದಾರೆ. ಒಂದೇ ದಿನ 31 ಮಂದಿಗೆ ಸೋಂಕಿಗೆ ತುತ್ತಾಗಿದ್ದಾರೆ. ಹಲವು ತಿಂಗಳುಗಳ ನಂತರ ಹೀಗೆ ದಿಢೀರ್ ಹೆಚ್ಚಳವನ್ನು ಜಿಲ್ಲೆ ಕಂಡಿದೆ. ಸಕ್ರಿಯ ಸೋಂಕಿತರ ಸಂಖ್ಯೆ 112ಕ್ಕೆ ತಲುಪಿದೆ.

ಚಿಕ್ಕಬಳ್ಳಾಪುರ ತಾಲ್ಲೂಕಿನಲ್ಲಿ 13, ಬಾಗೇಪಲ್ಲಿಯಲ್ಲಿ ಇಬ್ಬರು, ಚಿಂತಾಮಣಿ ಒಂಬತ್ತು, ಗೌರಿಬಿದನೂರು ಆರು ಮತ್ತು ಶಿಡ್ಲಘಟ್ಟ ತಾಲ್ಲೂಕಿನ ಒಬ್ಬರಿಗೆ ಸೋಂಕು ದೃಢವಾಗಿದೆ. ಇದೇ ದಿನ 12 ರೋಗಿಗಳು ಗುಣವಾಗಿದ್ದಾರೆ.

ಜಿಲ್ಲೆಯಲ್ಲಿ ಒಟ್ಟು 14,146 ಮಂದಿಗೆ ಕೊರೊನಾ ಸೋಂಕು ತಗುಲಿದ್ದು 13,915 ಮಂದಿ ಗುಣವಾಗಿದ್ದಾರೆ. 118 ರೋಗಿಗಳು ಮೃತಪಟ್ಟಿದ್ದಾರೆ.