ಚಾರ್ಮಾಡಿ: ಮರ ಬಿದ್ದು ಸಂಚಾರ ಅಸ್ತವ್ಯಸ್ತ

ಮೂಡಿಗೆರೆ: ತಾಲ್ಲೂಕಿನಾದ್ಯಂತ ಸುರಿಯುತ್ತಿರುವ ಮಳೆಯು ಗುರುವಾರ ಮುಂದುವರಿಯಿತು.

ಮಳೆಯ ಬಿರುಸು ಕಡಿಮೆಯಾಗಿದ್ದರೂ, ಇಡೀ ದಿನ‌‌ ಜಿಟಿ‌ ಜಿಟಿಯಾಗಿ ಸುರಿಯಿತು.

ಮಳೆಯಿಂದ ಚಾರ್ಮಾಡಿ ಘಾಟಿಯಲ್ಲಿ ಮರ‌ಬಿದ್ದು, ಧರೆ ಕುಸಿದು ಸಂಚಾರಕ್ಕೆ ಅಡ್ಡಿಯಾಗಿತ್ತು. ಜೆಸಿಬಿ ಯಂತ್ರದ ಮೂಲಕ ಮರ,‌ ಮಣ್ಣನ್ನು ತೆರವುಗೊಳಿಸಿ ಸಂಚಾರಕ್ಕೆ ಅವಕಾಶ ಕಲ್ಪಿಸಲಾಯಿತು. ವಾಹನಗಳು ಒಂದೇ ಬದಿಯಲ್ಲಿ ‌ಸಾಗುತ್ತಿದ್ದರಿಂದ‌, ರಸ್ತೆಯ ಎರಡೂ ಕಡೆಗಳಲ್ಲಿ ವಾಹನಗಳು ಸಾಲುಗಟ್ಟಿ ನಿಂತಿದ್ದವು. ಮೂಡಿಗೆರೆ - ಗೆಂಡೆಹಳ್ಳಿ ರಸ್ತೆಯಲ್ಲಿ ಮರ‌ ಬಿದ್ದಿದ್ದರಿಂದ ಮೂಡಿಗೆರೆ ‌ಬೇಲೂರು ರಸ್ತೆ ಸಂಚಾರಕ್ಕೆ‌ ಅಡ್ಡಿಯಾಗಿತ್ತು.