ಜ.2ಕ್ಕೆ ಗ್ರಾಮ ಪಂಚಾಯಿತಿ ಚುನಾವಣೆ

ಹೊಳಲ್ಕೆರೆ: ತಾಲ್ಲೂಕಿನ ಗ್ರಾಮ ಪಂಚಾಯಿತಿಗಳಲ್ಲಿ ತೆರವಾಗಿರುವ ಸದಸ್ಯ ಸ್ಥಾನಗಳಿಗೆ ಜ.2ರಂದು ಚುನಾವಣೆ ನಡೆಸಲು ಚುನಾವಣಾ ಆಯೋಗ ವೇಳಾಪಟ್ಟಿ ಪ್ರಕಟಿಸಿದೆ.

ಅಂದನೂರು ಗ್ರಾಮ ಪಂಚಾಯಿತಿಯ ಬಿ.ಮಲ್ಲೇನಹಳ್ಳಿ (ಬಿಸಿಎಂ ‘ಬಿ’), ಆಡನೂರು ಗ್ರಾಮ ಪಂಚಾಯಿತಿಯ ಪಾಡಿಗಟ್ಟೆ (ಎಸ್.ಸಿ), ಮಲ್ಲಾಡಿ ಹಳ್ಳಿ ಪಂಚಾಯಿತಿಯ ಮಲ್ಲಾಡಿಹಳ್ಳಿ-2 (ಬಿಸಿಎಂ ‘ಎ’), ಎನ್.ಜಿ. ಹಳ್ಳಿ ಗ್ರಾಮ ಪಂಚಾಯಿತಿಯ ಗೌಡಿಹಳ್ಳಿ (ಬಿಸಿಎಂ ‘ಎ’ಮಹಿಳೆ), ತುಪ್ಪದಹಳ್ಳಿ ಗ್ರಾಮ ಪಂಚಾಯಿತಿಯ ತುಪ್ಪದಹಳ್ಳಿ-1 (ಎಸ್.ಸಿ) ಸ್ಥಾನಗಳು ತೆರವಾಗಿದ್ದು, ಚುನಾವಣೆ ನಡೆಯಲಿದೆ.

ಡಿ.17ರಂದು ಅಧಿಸೂಚನೆ ಹೊರಡಿಸಲಿದ್ದು, ನಾಮಪತ್ರ ಸಲ್ಲಿಸಲು ಡಿ.20, ನಾಮಪತ್ರ ಪರಿಶೀಲನೆ ಡಿ.21, ನಾಮಪತ್ರ ಹಿಂಪಡೆಯಲು ಡಿ.24, ಮರು ಮತದಾನದ ಅಗತ್ಯವಿದ್ದಲ್ಲಿ ಡಿ.3 ನಿಗದಿಪಡಿಸಲಾಗಿದೆ ಎಂದು ತಹಶೀಲ್ದಾರ್ ವೈ. ತಿಪ್ಪೇಸ್ವಾಮಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.