ಕ.ಸಾ.ಪ ಅಧ್ಯಕ್ಷ ಚುನಾವಣೆ: ನಾಮಪತ್ರ ಸಲ್ಲಿಕೆ-28 ಕಡೆದಿನ

ಮಂಗಳೂರು: ಕನ್ನಡ ಸಾಹಿತ್ಯ ಪರಿಷತ್ ದ.ಕ. ಜಿಲ್ಲಾ ಘಟಕ ಅಧ್ಯಕ್ಷ, ಗಡಿನಾಡ ಘಟಕ ಅಧ್ಯಕ್ಷರ ಚುನಾವಣೆ ಸಂಬಂಧ ನಾಮಪತ್ರ ಆಹ್ವಾನಿಸಲಾಗಿದೆ.

ತಹಶೀಲ್ದಾರ್ ಅವರಿಂದ ಇದೇ 21ರಿಂದ 28ರೊಳಗೆ ಅರ್ಜಿ ನಮೂನೆ ಪಡೆದು ಭರ್ತಿ ಮಾಡಿ 28ರ ಸಂಜೆ 5 ಗಂಟೆಯೊಳಗೆ ಸಲ್ಲಿಸಬಹುದು. ಪರಿಷತ್‌ನಲ್ಲಿ 10 ವರ್ಷಗಳಿಂದ ಸದಸ್ಯರಾಗಿರುವವರು ನಾಮ ಪತ್ರ ಸಲ್ಲಿಸಬಹುದು.

21ಕ್ಕೆ ನಾಮಪತ್ರ ಪರಿಶೀಲನೆ. ಹಿಂತೆಗೆದುಕೊಳ್ಳಲು ಕೊನೆದಿನ ಏ. 5. ಅದೇ ದಿನ ಸಂಜೆ ಅಂತಿಮ ಪಟ್ಟಿ ಪ್ರಕಟಿಸಲಾಗುವುದು. ಮತದಾನ ಆವಶ್ಯವಿದ್ದಲ್ಲಿ ಆಯಾ ತಾಲ್ಲೂಕು ಕೇಂದ್ರದಲ್ಲಿ ಏ. 29ರಂದು ಬೆಳಿಗ್ಗೆ 8 ಗಂಟೆಯಿಂದ ಸಂಜೆ 4 ಗಂಟೆವರೆಗೆ ನಡೆಯಲಿದೆ.
 
ಸತತ 3 ವರ್ಷಗಳ ಸಾಹಿತ್ಯ ಪರಿಷತ್ ಸದಸ್ಯರಾಗಿರುವವರಿಗೆ ಮಾತ್ರ ಮತದಾನಕ್ಕೆ ಅವಕಾಶ.
ಮತದಾರರ ಪಟ್ಟಿಯನ್ನು ಈಗಾಗಲೇ ತಾಲ್ಲೂಕು ಕಚೇರಿಯಲ್ಲಿ ಪ್ರಕಟಿಸಲಾಗಿದೆ ಎಂದು ಕ.ಸಾ.ಪ. ಚುನಾವಣಾಧಿಕಾರಿ ತಿಳಿಸಿದ್ದಾರೆ.