Abdul Rahiman murder case: ಅಬ್ದುಲ್ ಕುಟುಂಬಕ್ಕೆ ₹ 50 ಲಕ್ಷ ಪರಿಹಾರದ ಭರವಸೆ

ಮಂಗಳೂರು: ದುಷ್ಕರ್ಮಿಗಳಿಂದ ಕೊಲೆಯಾದ ಬಂಟ್ವಾಳ ತಾಲ್ಲೂಕು ಕೊಳ್ತಮಜಲಿನ ಅಬ್ದುಲ್ ರಹಿಮಾನ್ ಅವರ ಕುಟುಂಬಕ್ಕೆ ವೈಯಕ್ತಿಕವಾಗಿ ₹ 50 ಲಕ್ಷ ನೆರವು ನೀಡುವುದಾಗಿ ವಕ್ಫ್ ಸಚಿವ ಹಾಗೂ ಕರ್ನಾಟಕ ವಕ್ಫ್ ಸಮಿತಿ ಅಧ್ಯಕ್ಷ ಜಮೀರ್ ಅಹಮ್ಮದ್ ಅವರು ಭರವಸೆ ನೀಡಿದ್ದಾರೆ ಎಂದು ಸಮಿತಿ ಉಪಾಧ್ಯಕ್ಷ ಎಂ.ಕೆ ಶಾಫಿ ಸಅದಿ ತಿಳಿಸಿದರು.

ಅಬ್ದುಲ್ ರಹಿಮಾನ್ ಅವರ ಮನೆಗೆ ಶುಕ್ರವಾರ ಭೇಟಿ ನೀಡಿ ಕುಟುಂಬದವರ ಜೊತೆ ಮಾತನಾಡಿದ ಅವರು ಸಚಿವರ ಭರವಸೆಯನ್ನು ತಿಳಿಸಿದರು. ಸಚಿವರು ಸದ್ಯದಲ್ಲೇ ಅಬ್ದುಲ್ ಮನೆಗೆ ಭೇಟಿ ನೀಡಲಿದ್ದಾರೆ ಎಂದು ಅವರು ವಿವರಿಸಿದರು.