ಕೋಳಿ ಅಂಕ: ಐವರ ಬಂಧನ

ಪುತ್ತೂರು: ತಾಲ್ಲೂಕಿನ ಬಲ್ನಾಡು ಗ್ರಾಮದ ಪದವು ಎಂಬಲ್ಲಿ ಸರ್ಕಾರಿ ಗೇರು ತೋಟದಲ್ಲಿ ಅಕ್ರಮವಾಗಿ ನಡೆಯುತ್ತಿದ್ದ ಕೋಳಿ ಅಂಕಕ್ಕೆ ಸಂಪ್ಯ ಪೊಲೀಸರು ದಾಳಿ ನಡೆಸಿ, ಐವರನ್ನು ಬಂಧಿಸಿದ್ದಾರೆ.

ಸಂದೀಪ್, ಅಶ್ವಿತ್, ಸುರೇಂದ್ರ, ಜಯಗುರು ಮತ್ತು ಸುರೇಂದ್ರ ಬಂಧಿತರು. ಖಚಿತ ಮಾಹಿತಿ ಮೇರೆಗೆ ದಾಳಿ ನಡೆಸಿದಗಸ್ತಿನಲ್ಲಿದ್ದ ಪೊಲೀಸರು, ಬಂಧಿತರಿಂದ ಒಂದು ಹುಂಜ, ಜೂಜಿಗೆ ಬಳಸಿದ್ದ ₹ 6700 ನಗದು, ಆಟೊರಿಕ್ಷಾ, ನಾಲ್ಕು ದ್ವಿಚಕ್ರ ವಾಹನಗಳನ್ನು ವಶಪಡಿಸಿಕೊಂಡಿದ್ದಾರೆ.