ಗೋಳಿತೊಟ್ಟು | ಕಾಡಾನೆ ದಾಳಿ: ಕೃಷಿ ಹಾನಿ

ನೆಲ್ಯಾಡಿ (ಉಪ್ಪಿನಂಗಡಿ): ಗೋಳಿತೊಟ್ಟು ಗ್ರಾಮದ ಕಡಮದಪಳಿಕೆ ಪರಿಸರದಲ್ಲಿ 4 ದಿನಗಳಿಂದ ಕಾಡಾನೆ ದಾಳಿ ಮಾಡುತ್ತಿದ್ದು, ಬೆಳೆ ಹಾನಿ ಮಾಡಿದೆ.

ಕಡಮದಪಳಿಕೆ ನಿವಾಸಿ ಸಾಗರ್, ಗುರುಪ್ರಸಾದ್ ಎಂಬುವರ ತೋಟದಲ್ಲಿ ಸುಮಾರು 26 ತೆಂಗಿನಮರ, 19 ಅಡಿಕೆ ಗಿಡ, 45ಕ್ಕೂ ಹೆಚ್ಚು ಬಾಳೆಗಿಡಗಳನ್ನು ನಾಶಗೊಳಿಸಿವೆ. ತೋಟದ ಸ್ಪ್ರಿಂಕ್ಲರ್ ಪೈಪ್‌ಗಳನ್ನು ಹಾನಿ ಮಾಡಿದೆ. ಪುತ್ತೂರು ವಲಯದ ಉಪ ವಲಯ ಅರಣ್ಯಾಧಿಕಾರಿ ಕಾಂತರಾಜು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.