ಬೆಳ್ತಂಗಡಿ: ಅಲ್ಲಲ್ಲಿ ಮಳೆಯ ಸಿಂಚನ

ಬೆಳ್ತಂಗಡಿ: ತಾಲ್ಲೂಕಿನ ಬೆಳ್ತಂಗಡಿ, ಉಜಿರೆ, ನಾರಾವಿ, ಗೇರುಕಟ್ಟೆ ನಡ, ಕನ್ಯಾಡಿ, ಕಲ್ಮಂಜ, ಮುಂಡಾಜೆ, ಕಡಿರು ದ್ಯಾವರ, ಮಿತ್ತಬಾಗಿಲು, ಮಲವಂತಿಗೆ, ದಿಡುಪೆ ಮೊದಲಾದ ಪರಿಸರಗಳಲ್ಲಿ ಬುಧವಾರ ಮಧ್ಯಾಹ್ನ ಮಳೆ ಸುರಿಯಿತು.

ಅರ್ಧ ತಾಸು ಸುರಿದ ಮಳೆ ಅಂಗಳಗಳಲ್ಲಿ ಒಣಗಲು ಹಾಕಿದ್ದ ಅಡಕೆ ಒದ್ದೆಯಾಗಲು ಕಾರಣವಾಗಿದೆ. ಏಣೇಲು ಭತ್ತದ ಗದ್ದೆ ಕಟಾವು ಹಾಗೂ ಇದರ ಮುಂದಿನ ವ್ಯವಸ್ಥೆಗಳಿಗೂ ಅಡ್ಡಿ ನೀಡಿತು. ಮಧ್ಯಾಹ್ನದವರೆಗೆ ಬಿಸಿಲು ಹಾಗೂ ವಿಪರೀತ ಸೆಕೆ ಇತ್ತು. ಮಳೆಯಾದ ಬಳಿಕ ಮೋಡಕವಿದ ವಾತಾವರಣ ಮುಂದುವರಿಯಿತು.