ಪತಿ ವಿರುದ್ಧ ಪತ್ನಿ ದೂರು

ಮಂಗಳೂರು: ಪತಿ ದೌರ್ಜನ್ಯ ನಡೆಸಿ, ಜಾತಿ ನಿಂದನೆ ಮಾಡಿದ್ದಾರೆ ಎಂದು ವಾಮಂಜೂರು ನಿವಾಸಿಯಾಗಿರುವ ಮಹಿಳೆಯೊಬ್ಬರು ಮಂಗಳೂರು ಗ್ರಾಮಾಂತರ ಪೊಲೀಸ್‌ ಠಾಣೆಗೆ ದೂರು ನೀಡಿದ್ದಾರೆ.

ವಾಮಂಜೂರು ಮಂಗಳಾ ನಗರ ನಿವಾಸಿ ವಿನೋದ್‌ (45) ವಿರುದ್ಧ ಅವರ ಪತ್ನಿ ನೀಡಿದ ದೂರು ಆಧರಿಸಿ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಪತಿ ಮತ್ತು ಪತ್ನಿ ಪ್ರೀತಿಸಿ 2005ರಲ್ಲಿ ಮದುವೆಯಾಗಿದ್ದರು. ದಂಪತಿಗೆ ಮೂವರು ಮಕ್ಕಳಿದ್ದಾರೆ.

‘ನೀನು ಪರಿಶಿಷ್ಟ ಜಾತಿಯವಳು. ನನಗೆ ಯಾವುದೇ ವರದಕ್ಷಿಣೆ ನೀಡಲಿಲ್ಲ. ಬೇರೆಯವರನ್ನು ಮದುವೆ ಆಗಿದ್ದರೆ ನೀಡುತ್ತಿದ್ದರು’ ಎಂದು ಪತಿ ದೈಹಿಕ ಮಾಗೂ ಮಾನಸಿಕವಾಗಿ ಹಿಂಸೆ ನೀಡಿದ್ದಾರೆ. ಬೇರೆ ಹುಡುಗಿಯನ್ನು ಮದುವೆ ಆಗುತ್ತೇನೆ ಎಂದು ಬೆದರಿಸುತ್ತಿದ್ದಾರೆ ಎಂದು ಮಹಿಳೆ ದೂರಿನಲ್ಲಿ ಆರೋಪಿಸಿದ್ದಾರೆ.