ಮಳೆಯಿಂದ ಆರು ಮನೆಗಳಿಗೆ ಹಾನಿ

ಚನ್ನಗಿರಿ: ಪಟ್ಟಣ ಸೇರಿದಂತೆ ತಾಲ್ಲೂಕಿನಾದ್ಯಂತ ಶುಕ್ರವಾರ ರಾತ್ರಿ ಉತ್ತಮ ಮಳೆ ಬಿದ್ದಿದೆ. ಮೂರು ಗ್ರಾಮಗಳಲ್ಲಿ ಆರು ಮನೆಗಳಿಗೆ ಭಾಗಶಃ ಹಾನಿಯಾಗಿದೆ.

ಕಾರಿಗನೂರು, ಕೆರೆಬಿಳಚಿ ಹಾಗೂ ನಲ್ಲೂರು ಗ್ರಾಮಗಳಲ್ಲಿ ತಲಾ ಎರಡು ಮನೆಗಳಿಗೆ ಹಾನಿಯಾಗಿದೆ. ₹ 60 ಸಾವಿರ ನಷ್ಟ ಉಂಟಾಗಿದೆ ಎಂದು ಅಂದಾಜಿಸಲಾಗಿದೆ. ಯಾವುದೇ ಬೆಳೆ ಹಾನಿಯಾಗಿಲ್ಲ.

ಉಳಿದಂತೆ, ಜೋಳದಹಾಳ್ 49.2 ಮಿ.ಮೀ, ತ್ಯಾವಣಿಗೆ 32.8, ಉಬ್ರಾಣಿ 23.4, ಕೆರೆಬಿಳಚಿ 20.8, ಕತ್ತಲಗೆರೆ 20.4, ಬಸವಾಪಟ್ಟಣ 18.8, ದೇವರಹಳ್ಳಿ 12.2, ಸಂತೇಬೆನ್ನೂರು 10.2 ಮಿ.ಮೀ ಮಳೆ ಬಿದ್ದಿದೆ ಎಂದು ತಹಶೀಲ್ದಾರ್ ಎಸ್.ಪದ್ಮಕುಮಾರಿ ತಿಳಿಸಿದರು.