ವಿದೇಶದಿಂದ 11 ಮಂದಿ ಆಗಮನ: ಓಮೈಕ್ರಾನ್‌ ಪತ್ತೆಯಿಲ್ಲ

ದಾವಣಗೆರೆ: ವಿವಿಧ ದೇಶಗಳಿಂದ 11 ಮಂದಿ ದಾವಣಗೆರೆಗೆ ಬಂದಿದ್ದಾರೆ. ಎಲ್ಲರಿಗೂ ಕೊರೊನಾ ಪರೀಕ್ಷೆ ಮಾಡಲಾಗಿದೆ. ಸದ್ಯ ಪಾಸಿಟಿವ್‌ ಪತ್ತೆಯಾಗಿಲ್ಲ.

ಜರ್ಮನಿಯಿಂದ ಮೂವರು, ಅಮೆರಿಕದಿಂದ ಮೂವರು, ಬ್ರಿಟನ್‌ನಿಂದ ಇಬ್ಬರು, ಮಸ್ಕತ್‌ನಿಂದ ಇಬ್ಬರು ಹಾಗೂ ಸೌದಿ ಅರೇಬಿಯಾದಿಂದ ಒಬ್ಬರು ಬಂದಿದ್ದಾರೆ. ಜರ್ಮನಿಯಿಂದ ಬಂದವರು ಹರಿಹರದ ನಿವಾಸಿಗಳಾಗಿದ್ದಾರೆ. ಉಳಿದವರು ದಾವಣಗೆರೆಯವರು.

ವಿದೇಶದಿಂದ ಬಂದವರನ್ನು 72 ಗಂಟೆಗಳ ಒಳಗೆ ಪರೀಕ್ಷೆಗೆ ಒಳಪಡಿಸಬೇಕು ಎಂಬ ನಿಯಮ ಇದೆ. ಅದರಂತೆ ಎಲ್ಲರಿಗೂ ಪರೀಕ್ಷೆ ಮಾಡಲಾಗಿದೆ.