ಅವಕಾಶ ನೀಡಿದರೆ ಬಿಜೆಪಿ ಭಿನ್ನಮತ ಶಮನ; ಶ್ರೀರಾಮುಲು

ದಾವಣಗೆರೆ: ‘ಪಕ್ಷ ಅವಕಾಶ ನೀಡಿದರೆ ರಮೇಶ ಜಾರಕಿಹೊಳಿ, ಬಿ.ವೈ.ವಿಜಯೇಂದ್ರ ಹೀಗೆ ಎಲ್ಲ ನಾಯಕರನ್ನೂ ಒಂದು ಮಾಡುತ್ತೇನೆ. ಪಕ್ಷದೊಳಗಿನ ಭಿನ್ನಮತ ಶಮನಗೊಳಿಸುತ್ತೇನೆ’ ಎಂದು ಮಾಜಿ ಸಚಿವ ಬಿ.ಶ್ರೀರಾಮುಲು ಹೇಳಿದ್ದಾರೆ.

ಸುದ್ದಿಗಾರರೊಂದಿಗೆ ಸೋಮವಾರ ಮಾತನಾಡಿದ ಅವರು, ಈ ಮೂಲಕ ಪರೋಕ್ಷವಾಗಿ ಬಿಜೆಪಿ ರಾಜ್ಯ ಘಟಕದ ಅಧ್ಯಕ್ಷರಾಗುವ ಅಭಿಲಾಷೆ ವ್ಯಕ್ತಪಡಿಸಿದರು. ‘ಶಾಸಕ ಜನಾರ್ದನ ರೆಡ್ಡಿ ಹಾಗೂ ನನ್ನ ಒಂದುಗೂಡಿಸುವಲ್ಲಿ ಬಿಜೆಪಿಯ ಎಲ್ಲಾ ನಾಯಕರ ಪಾತ್ರವಿದೆ’ ಎಂದರು 

‘ಡಿ.ಕೆ.ಶಿವಕುಮಾರ್‌ ಮುಖ್ಯಮಂತ್ರಿ ಆಗಲು ಸಿದ್ದರಾಮಯ್ಯ ಯಾವುದೇ ಕಾರಣಕ್ಕೂ ಅವಕಾಶ ನೀಡುವುದಿಲ್ಲ. ಅಂತಹ ಸ್ಥಿತಿ ಬಂದರೆ ಸರ್ಕಾರವನ್ನೇ ಕೆಡವುತ್ತಾರೆ’ ಎಂದೂ ಹೇಳಿದರು.