ಚಿಕ್ಕಜಾಜೂರು: ವಿದ್ಯುತ್ ಸ್ಪರ್ಶ; ಬಾಲಕ ಸಾವು

ಚಿಕ್ಕಜಾಜೂರು: ಸಮೀಪದ ಅಂದನೂರು ಗ್ರಾಮದಲ್ಲಿ ಬುಧವಾರ ಬೆಳಿಗ್ಗೆ ಹೀಟರ್ ಸ್ವಿಚ್ ತೆಗೆಯಲು ಹೋದ ಬಾಲಕ ನಾಗಾರ್ಜುನ (15) ವಿದ್ಯುತ್ ಪ್ರವಹಿಸಿ ಮೃತಪಟ್ಟಿದ್ದಾನೆ.

ಬಾಲಕ ಕೊಡದಲ್ಲಿ ಬಿಸಿನೀರು ಕಾಯಿಸಲು ಹಾಕಲಾಗಿದ್ದ ವಿದ್ಯುತ್‌ ಹೀಟರ್ ಸ್ವಿಚ್ಚನ್ನು ತೆಗೆಯಲು ಹೋದಾಗ ಆಕಸ್ಮಿಕವಾಗಿ ವಿದ್ಯುತ್ ಪ್ರವಹಿಸಿದೆ. ಬಾಲಕ ಪ್ರಜ್ಞೆ ತಪ್ಪಿ ಕೆಳಗೆ ಬಿದ್ದಾಗ, ಪೋಷಕರು ಚಿಕಿತ್ಸೆ ಕೊಡಿಸಲು ಹೊಳಲ್ಕೆರೆ ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ಬಾಲಕ ಮೃತಪಟ್ಟಿರುವುದಾಗಿ ವೈದ್ಯರು ತಿಳಿಸಿದರು. ಬಾಲಕ ಸಿರಿಗೆರೆ ಸಮೀಪದ ಹಳುವುದರ ಗ್ರಾಮದ ವಸತಿ ಶಾಲೆಯಲ್ಲಿ 9ನೇ ತರಗತಿಯಲ್ಲಿ ಓದುತ್ತಿದ್ದ ಎಂದು ತಿಳಿದುಬಂದಿದೆ.

ಚಿಕ್ಕಜಾಜೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.