ಅಭಿವೃದ್ಧಿ ಕೆಲಸಕ್ಕೆ ಗ್ಯಾರಂಟಿ ಯೋಜನೆ ಅಡ್ಡಿ: ಶಾಸಕ ಬಿ.ಪಿ. ಹರೀಶ್‌

ಮಲೇಬೆನ್ನೂರು:ಪ್ರಸಕ್ತ ರಾಜ್ಯ ಕಾಂಗ್ರೆಸ್‌ ಸರ್ಕಾರದ ಗ್ಯಾರಂಟಿ ಯೋಜನೆಯಿಂದಾಗಿ ಆರ್ಥಿಕ ನೀತಿ ವಿಫಲವಾಗಿ ಅಭಿವೃದ್ಧಿ ಕಾರ್ಯ ನೆನಗುದಿಗೆ ಬಿದ್ದಿವೆ ಎಂದು ಶಾಸಕ ಬಿ.ಪಿ. ಹರೀಶ್‌ ಶನಿವಾರ ಆರೋಪಿಸಿದರು.

ಪಟ್ಟಣದ ಮೂಲಕ ಹಾದು ಹೋಗಿರುವ ರಾಜ್ಯ ಹೆದ್ದಾರಿ-25ರ 2.4 ಕಿಮಿ ರಸ್ತೆ ಡಾಂಬರೀಕರಣ ಕಾಮಗಾರಿಗೆ ಚಾಲನೆ ಮಾತನಾಡಿದರು.

ರಾಜ್ಯದ ಜನತೆ ಆಕ್ರೋಶಕ್ಕೆ ಶಾಸಕರ ಒತ್ತಡಗಳಿಗೆ ಮಣಿದು ಸ್ವಲ್ಪ ಅನುದಾನ ಬಿಡುಗಡೆ ಮಾಡಿದೆ. ಗ್ರಾಮೀಣ ಪ್ರದೇಶದ ರಸ್ತೆ ಹೊಲಗಳ ಸಂಪರ್ಕ ರಸ್ತೆ ಕುರಿತು ಮುಂಬರುವ ಅಧಿವೇಶನದಲ್ಲಿ ಪ್ರಸ್ತಾಪಿಸಲಾಗುವುದು.

ಗುತ್ತಿಗೆದಾರರ ಬಿಲ್‌ ಬಾಕಿ ಕಾರಣ ದೇವದುರ್ಗದ ಗುತ್ತಿಗೆದಾರ ವಿರೂಪಾಕ್ಷಪ್ಪ ಬಳೆ ಕಾಮಗಾರಿ ನಿಲ್ಲಿಸಿದ್ದಾರೆ. ಜಿಗಳಿ, ಕೆ.ಎನ್.‌ ಹಳ್ಳಿ, ಪಾಳ್ಯ ರಸ್ತೆ ಶೀಘ್ರವಾಗಿ ಮಾಡಿಕೊಡುವುದಾಗಿ ತಿಳಿಸಿದ್ದಾರೆ.

ಹೊಸದಾಗಿ ಡಾಂಬರೀಕರಣ ಆಗುವದರಿಂದ ಶೇ 95 ರಸ್ತೆ ನಿರ್ಮಾಣವಾಗಲಿದೆ. ಗುಣಮಟ್ಟದ ಕಾಮಗಾರಿ ಮಾಡುವಂತೆ ಗುತ್ತಿಗೆದಾರಿಗೆ ತಾಕೀತು ಮಾಡಿದರು.

ಪುರಸಭೆ ಮುಖ್ಯಾದಿಕಾರಿ ನಿರಂಜಿನಿ ಅವರಿಗೆ ಇ ಸ್ವತ್ತುವಿಳಂಬವಾಗುತ್ತಿದೆ ಎಂಬ ದೂರು ಬಂದಿವೆ. ತ್ವರಿತವಾಗಿ ನೀಡಲು ಖಡಕ್ಕಾಗಿ ಸೂಚಿಸಿದರು.

ಪಟ್ಟಣದ ಒಳಭಾಗದ ರಾಜ್ಯ ಹೆದ್ದಾರಿ ಇಕ್ಕೆಲದ ಚರಂಡಿ ಸ್ವಚ್ಛಗೊಳಿಸಲು ಪುರಸಭೆ ಎಂಜಿನಿಯರ್‌ ರಾಘವೇಂದ್ರ ಅವರಿಗೆ ತಿಳಿಸಿದರು.

ಎಇಇ ಮರಿಸ್ವಾಮಿ ಮಾತನಾಡಿ, ಹಾಲಿ ರಸ್ತೆ ಮಣ್ಣು ಪದರ ತೆಗೆಸುವುದು, 2 ಪದರ ಡಾಂಬರೀಕರಣ, ರಸ್ತೆ ವಿಭಜಕ ಅಳವಡಿಸಲಾಗುವುದು.

ಎಸೆಸ್ಡಿಪಿ ಯೋಜನೆಯಡಿ ನಂದಿತಾವರೆಯಿಂದ ಪಟ್ಟಣದಗಡಿತನಕ 7 ಮೀ ಅಗಲದ ರಸ್ತೆ ನಿರ್ಮಿಸುವ ಪ್ರಸ್ತಾವನೆ ಸಲ್ಲಿಸಿದ್ದ. ಶೀಘ್ರ ಮಂಜೂರಾತಿ ಸಿಗಲಿದೆ ಎಂದರು.

ಪುರಸಭಾ ಅಧ್ಯಕ್ಷ ಬಿ. ಹನುಮಂತಪ್ಪ, ಬಿಜೆಪಿ ಮುಖಂಡರಾದ ವೀರೇಶ್ ಹನಗವಾಡಿ ಲಿಂಗರಾಜ್, ಅಣ್ಣೇಶ್ ಐರಣಿ, ವೀರೇಶ್ ಪುರಸಭೆ ಸದಸ್ಯ ಬೆಣ್ಣೆಹಳ್ಳಿ ಸಿದ್ದೇಶ್ ಯೂಸುಫ್ ಖಾನ್, ಕರೇಗೌಡ್ರು ಮಂಜಣ್ಣ , ರಂಗಣ್ಣ, ಕರಿಬಸಣ್ಣ, ಮುದೇಗೌಡ್ರು ತಿಪ್ಪೇಶ , ರೇವಣಸಿದ್ದಪ್ಪ , ಪುಟ್ಟಣ್ಣ, ಬೆಣ್ಣೆಹಳ್ಳಿ ಬಸವರಾಜ, ಆನಂದಾಚಾರ್ , ಪುಟ್ಟಣ್ಣ, ವಿಶ್ವನಾಥ , ಓ.ಜಿ. ಮಂಜುನಾಥ, ಭೋವಿ ಮಂಜಣ್ಣ , ಶ್ರೀನಿವಾಸ್ , ನಿರಂಜನ, ಸುನೀಲ, ಸುರೇಶ್ , ಪೂಜಾರ್ ರಾಜು , ರಾಜಣ್ಣ , ಮನು , ಹನುಮಗೌಡ, ಕಿಶೋರ್ , ಆಯೂಬ್ ಖಾನ್ , ಎಇ ಗುರುಪಾದ ಸ್ವಾಮಿ, ಪುರೋಹಿತ ಮಂಜುನಾಥ್‌ ಜೋಯ್ಸ್ ‌ ಇದ್ದರು.