ದಾವಣಗೆರೆ | ಮಾದಕವಸ್ತು ಮಾರಾಟ ಆರೋಪ: ವಿದೇಶಿಗರು ಸೇರಿ ಐವರ ಬಂಧನ

ದಾವಣಗೆರೆ: ಮಾದಕ ವಸ್ತುಗಳನ್ನು ಮಾರಾಟ ಮಾಡುತ್ತಿದ್ದ ಆರೋಪದ ಮೇರೆಗೆ ಇಬ್ಬರು ವಿದೇಶಿ ಪ್ರಜೆಗಳು ಸೇರಿದಂತೆ ಐವರನ್ನು ಸಿಇಎನ್ ಠಾಣೆಯ ಪೊಲೀಸರು ಬಂಧಿಸಿದ್ದಾರೆ.

ನೈಜೀರಿಯಾದ ಪ್ರಾಮೆಸೆ, ಪ್ಯಾಟ್ರಿಕ್, ದಂತ ವೈದ್ಯಕೀಯ ವಿದ್ಯಾರ್ಥಿ ಕಲ್ಯಾಣ್, ಬೆಂಗಳೂರಿನ ನಿವಾಸಿಗಳಾದ ಮಹಮ್ಮದ್ ಬಿಲಾಲ್ ಮತ್ತು ಸೈಯದ್ ಜಾಬೀರ್ ಬಂಧಿತರು. ಆರೋಪಿಗಳಿಂದ 19 ಗ್ರಾಂ ಮಾದಕವಸ್ತು ವಶಕ್ಕೆ ಪಡೆಯಲಾಗಿದೆ.

ಮಾದಕವಸ್ತು ಜಾಲದಲ್ಲಿ ಸಿಲುಕಿದ ಕಲ್ಯಾಣ ಬಗ್ಗೆ ಖಚಿತ ಮಾಹಿತಿ ಸಂಗ್ರಹಿಸಿದ ಪೊಲೀಸರು ವಶಕ್ಕೆ ಪಡೆದು ವಿಚಾರಣೆ ನಡೆಸಿದ್ದಾರೆ. ಕಲ್ಯಾಣ್ ನೀಡಿದ ಸುಳಿವು ಆಧರಿಸಿ ಬಾಡಾ ಕ್ರಾಸ್ ಬಳಿ ಮಾದಕವಸ್ತು ಖರೀದಿ ನೆಪದಲ್ಲಿ ಆರೋಪಗಳನ್ನು ಸಂಪರ್ಕಿಸಿ ಬಂಧಿಸಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.