20ಕ್ಕೆ ಕೃಷಿ ಪತ್ತಿನ ಸಂಘಕ್ಕೆ ಚುನಾವಣೆ

ಮಲೇಬೆನ್ನೂರು: ಪಟ್ಟಣದ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘ ಚುನಾವಣೆಗೆ ಸಾಲಗಾರರ ಕ್ಷೇತ್ರದಿಂದ 23 ಹಾಗೂ ಸಾಲಗಾರರಲ್ಲದ ಕ್ಷೇತ್ರದಿಂದ ಇಬ್ಬರು ಅಭ್ಯರ್ಥಿಗಳು ಅಂತಿಮವಾಗಿ ಕಣದಲ್ಲಿ ಉಳಿದಿದ್ದಾರೆ ಎಂದು ಚುನಾವಣಾಧಿಕಾರಿ ಸುನಿತಾ ತಿಳಿಸಿದ್ದಾರೆ.

ನಾಮಪತ್ರ ಹಿಂದಕ್ಕೆ ಪಡೆಯಲು ಜು.14 ಕಡೆ ದಿನವಾಗಿತ್ತು. ಅಂತಿಮವಾಗಿ ಕಣದಲ್ಲಿ ಉಳಿದ ಉಮೇದುವಾರರಿಗೆ ವಿವಿಧ ಚಿಹ್ನೆ ಹಂಚಿಕೆ ಮಾಡಿ ಪಟ್ಟಿ ಪ್ರಕಟಿಸಲಾಗಿದೆ. ಅವಿರೋಧ ಆಯ್ಕೆ ಯತ್ನ ವಿಫಲವಾಗಿದ್ದು ಜು 20 ರಂದು ಮತದಾನ ನಡೆಯಲಿದೆ.