ಗಂಜೀನಹಳ್ಳಿ: ಹಾವು ಕಚ್ಚಿ ಎತ್ತು ಸಾವು

ಗಂಜೀನಹಳ್ಳಿ (ನ್ಯಾಮತಿ): ತಾಲ್ಲೂಕಿನ ಗಂಜೀನಹಳ್ಳಿ ಗ್ರಾಮದ ರೈತ ಕೊಡಚಗೊಂಡನಹಳ್ಳಿ ಹಾಲಪ್ಪ ಅವರ ಸಾಕು ಎತ್ತಿಗೆ ಮಂಗಳವಾರ ಹಾವು ಕಚ್ಚಿದ ಪರಿಣಾಮ ಸಾವನ್ನಪ್ಪಿದೆ.

ತಮ್ಮ ಜಮೀನಿನಲ್ಲಿ ಎರಡು ಎತ್ತುಗಳನ್ನು ಕಟ್ಟಿದ್ದರು. ಈ ವೇಳೆ ಒಂದು ಎತ್ತಿಗೆ ಹಾವು ಕಚ್ಚಿದ್ದರಿಂದ ಸ್ಥಳದಲ್ಲಿಯೇ ಮರಣ ಹೊಂದಿದೆ. ಇದರಿಂದ ಅಂದಾಜು ₹ 60,000 ನಷ್ಟವಾಗಿದೆ. ಪಶು ವೈದ್ಯರು ತಪಾಸಣೆ ಮಾಡಿದ ಬಳಿಕ ಸ್ವಂತ ಜಮೀನಿನಲ್ಲಿ ಅಂತ್ಯಸಂಸ್ಕಾರ ನಡೆಸಲಾಯಿತು ಎಂದು ರೈತ ಹಾಲಪ್ಪ ತಿಳಿಸಿದರು.