ನ್ಯಾಮತಿ | ಸರ್ಕಾರಿ ಶಾಲೆಯಲ್ಲಿ ಕಳವು ಯತ್ನ; ಇಬ್ಬರ ಬಂಧನ

ನ್ಯಾಮತಿ: ಪಟ್ಟಣದ ಕೋಡಿಕೊಪ್ಪ ರಸ್ತೆಯಲ್ಲಿರುವ ಸರ್ಕಾರಿ ಶಾಸಕರ ಮಾದರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಮಂಗಳವಾರ ರಾತ್ರಿ ಯುವಕರಿಬ್ಬರು ಕಳವಿಗೆ ಯತ್ನಿಸುತ್ತಿರುವ ಸಂದರ್ಭದಲ್ಲಿ ಗಸ್ತು ಪೊಲೀಸರಿಗೆ ಸಿಕ್ಕಿ ಬಿದ್ದಿದ್ದಾರೆ.

ಪೊಲೀಸರು ಶಾಲೆಯ ಬಳಿ ಬಂದಾಗ ಒಳಗಡೆ ಯವಕರಿಬ್ಬರು ಶಾಲೆಯ ಕೊಠಡಿ ಬಾಗಿಲುಗಳ ಚಿಲಕ, ಬೀಗ ಮುರಿದು ಕಳವಿಗೆ ಯತ್ನಿಸುತ್ತಿರುವುದು ಕಂಡು ಬಂಧಿಸಿದ್ದಾರೆ.

ಈ ಕುರಿತು ಶಾಲೆಯ ಮುಖ್ಯಶಿಕ್ಷಕ ಕೆ. ಚಂದ್ರಾಚಾರ್ ಮತ್ತು ಎಸ್‌ಡಿಎಂಸಿ ಅಧ್ಯಕ್ಷ ಮುರುಡಪ್ಪ ಅವರು ನ್ಯಾಮತಿ ಠಾಣೆಯಲ್ಲಿ ಬುಧವಾರ ದೂರು ದಾಖಲಿಸಿದ್ದಾರೆ.