‘ಭೂಮಿ’ ಕೋಶ ಮತ್ತೆ ಕಾರ್ಯಾರಂಭ

ಧಾರವಾಡ: ಬ್ಯಾಟರಿ ಸಮಸ್ಯೆಯಿಂದಾಗಿ ಕಳೆದ ಕೆಲವು ದಿನಗಳಿಂದ ಸ್ಥಗಿತಗೊಂಡಿದ್ದ ಭೂಮಿ ಕೋಶ, ಶುಕ್ರವಾರದಿಂದ ಮತ್ತೆ ಕಾರ್ಯಾರಂಭ ಮಾಡಿದೆ.

‘ಭೂಮಿ’ ಕೋಶ ಸ್ಥಗಿತ: ಜನರ ಪರದಾಟ’ ಎಂಬ ವಿಶೇಷ ವರದಿ ಮಾರ್ಚ್ 2ರ ‘ಪ್ರಜಾವಾಣಿ’ ಯಲ್ಲಿ ಪ್ರಕಟಗೊಂಡಿತ್ತು. ಇದಾಗಿ ಒಂದು ವಾರದೊಳಗಾಗಿ ಬ್ಯಾಟರಿ ಬದಲಿಸಲಾಗಿದೆ.

‘ಕಂದಾಯ ಇಲಾಖೆಯ ಭೂಮಿ ಕೋಶದಲ್ಲಿ 3.5ಕಿಲೋ ವಾಟ್‌ ಸಾಮರ್ಥ್ಯದ ನೂತನ ಬ್ಯಾಟರಿಗಳನ್ನು ಅಳವಡಿಸಲಾಗಿದೆ’ ಎಂದು ತಹಶೀಲ್ದಾರ್ ಪ್ರಕಾಶ ಕುದರಿ ತಿಳಿಸಿದರು.