ಸಿಇಟಿ: ಪಿ.ಸಿ.ಜಾಬಿನ್‌ ಕಾಲೇಜು ವಿದ್ಯಾರ್ಥಿಗಳ ಸಾಧನೆ

ಹುಬ್ಬಳ್ಳಿ: ಕೆ.ಎಲ್.ಇ ಸಂಸ್ಥೆಯ ಪಿ.ಸಿ.ಜಾಬಿನ್‌ ಪದವಿಪೂರ್ವ ವಿಜ್ಞಾನ ಮಹಾವಿದ್ಯಾಲಯದ ದ್ವಿತೀಯ ಪಿಯುಸಿ ವಿದ್ಯಾರ್ಥಿಗಳು ಸಿ.ಇ.ಟಿ ಯಲ್ಲಿ ಉತ್ತಮ ಸಾಧನೆ ಮಾಡಿದ್ದಾರೆ.

ಸಹನಾ ಶೇಟ್‌ ಎಂಜಿನಿಯರಿಂಗ್‌ನಲ್ಲಿ 4,477ನೇ ರ‍್ಯಾಂಕ್‌ ಪಡೆದಿದಿದ್ದಾರೆ. ಚನ್ನಬಸವಸ್ವಾಮಿ ಮಠದ 5,228, ಸಿದ್ಧಾರ್ಥ ಸಾಲಿಮಠ 13,556, ಆದಿತ್ಯಾ ತಲೆಬೈಲಕರ್ 13663ನೇ ರ‍್ಯಾಂಕ್‌ ಗಳಿಸಿದ್ದಾರೆ. 

ವಿದ್ಯಾರ್ಥಿಗಳನ್ನು ಸಂಸ್ಥೆಯ ಕಾರ್ಯಾಧ್ಯಕ್ಷ ಪ್ರಭಾಕರ ಕೋರೆ, ಆಡಳಿತ ಮಂಡಳಿಯ ನಿರ್ದೇಶಕ ಶಂಕರಣ್ಣ ಮುನವಳ್ಳಿ, ಪದವಿ ಕಾಲೇಜು ಪ್ರಾಚಾರ್ಯ ಸಂಧ್ಯಾ ಕುಲಕರ್ಣಿ, ಪದವಿಪೂರ್ವ ಕಾಲೇಜು ಪ್ರಾಚಾರ್ಯ ಪ್ರೊ. ವಿ.ಆರ್. ವಾಘ್ಮೊಡೆ ಅಭಿನಂದಿಸಿದ್ದಾರೆ.