ಧಾಮುಲ್: ಅಧ್ಯಕ್ಷರಾಗಿ ಶಂಕರಪ್ಪ ಮುಗದ, ಉಪಾಧ್ಯಕ್ಷರಾಗಿ ಕೃಷ್ಣ ಹೆಗಡೆ ಆಯ್ಕೆ

ಧಾರವಾಡ: ಧಾರವಾಡ, ಗದಗ ಮತ್ತು ಉತ್ತರ ಕನ್ನಡ ಜಿಲ್ಲಾ ಹಾಲು ಉತ್ಪಾದಕರ ಸಹಕಾರ ಸಂಘಗಳ ಒಕ್ಕೂಟದ (ಧಾಮುಲ್) ಅಧ್ಯಕ್ಷರಾಗಿ ಶಂಕರಪ್ಪ ವೀರಪ್ಪ ಮುಗದ ಹಾಗೂ ಉಪಾಧ್ಯಕ್ಷರಾಗಿ ಸುರೇಶಚಂದ್ರ ಕೃಷ್ಣ ಹೆಗಡೆ ಆಯ್ಕೆಯಾದರು.

ಅಧ್ಯಕ್ಷ ಸ್ಥಾನಕ್ಕೆ ಶಂಕರಪ್ಪ ಹಾಗೂ ಶಿವಲೀಲಾ ಕುಲಕರ್ಣಿ ಸ್ಪರ್ಧಿಸಿದ್ದರು. ಶಂಕರಪ್ಪ ಅವರು 8 ಮತ ಪಡೆದು ಗೆಲುವು ಸಾಧಿಸಿದರು. ಶಿವಲೀಲಾ ಅವರು ಆರು ಮತ ಪಡೆದು ಸೋಲುಂಡರು.

ಉಪಾಧ್ಯಕ್ಷ ಸ್ಥಾನಕ್ಕೆ ಸುರೇಶಚಂದ್ರ ಒಬ್ಬರೇ ನಾಮಪತ್ರ ಸಲ್ಲಿಸಿದ್ದರು. ಅವರು ಅವಿರೋಧವಾಗಿ ಆಯ್ಕೆಯಾದರು.