ADVERTISEMENT

ಚಾಲಕನಿಗೆ ಬೀಳ್ಕೊಡುಗೆ: ಕಾರಿನಲ್ಲಿ ಮನೆಗೆ ತಲುಪಿಸಿದ ಕುಲಸಚಿವ

​ಪ್ರಜಾವಾಣಿ ವಾರ್ತೆ
Published 30 ನವೆಂಬರ್ 2025, 4:40 IST
Last Updated 30 ನವೆಂಬರ್ 2025, 4:40 IST
ಧಾರವಾಡದ ಕರ್ನಾಟಕ ವಿಶ್ವವಿದ್ಯಾಲಯದಲ್ಲಿ ಶನಿವಾರ ನಡೆದ ಬೀಳ್ಕೊಡುಗೆ ಸಮಾರಂಭದಲ್ಲಿ ರುದ್ರಪ್ಪ ಅಜ್ಜನ್ನವರ ಅವರನ್ನು ಸನ್ಮಾನಿಸಲಾಯಿತು
ಧಾರವಾಡದ ಕರ್ನಾಟಕ ವಿಶ್ವವಿದ್ಯಾಲಯದಲ್ಲಿ ಶನಿವಾರ ನಡೆದ ಬೀಳ್ಕೊಡುಗೆ ಸಮಾರಂಭದಲ್ಲಿ ರುದ್ರಪ್ಪ ಅಜ್ಜನ್ನವರ ಅವರನ್ನು ಸನ್ಮಾನಿಸಲಾಯಿತು   

ಧಾರವಾಡ: ಕರ್ನಾಟಕ ವಿಶ್ವವಿದ್ಯಾಲಯದ ಪರೀಕ್ಷಾಂಗ ಕುಲಸಚಿವ ಪ್ರೊ.ಎನ್‌.ವೈ.ಮಟ್ಟಿಹಾಳ ಅವರ ಕಾರು ಚಾಲಕ ರುದ್ರಪ್ಪ ಅಜ್ಜನ್ನವರ ಶನಿವಾರ ನಿವೃತ್ತಿ ಹೊಂದಿದ್ದು, ಅವರನ್ನು ಪ್ರೊ.ಮಟ್ಟಿಹಾಳ ಅವರು ಕಾರಿನಲ್ಲಿ ಬಸವನಗರದ ಮನೆಗೆ ತಲುಪಿಸಿದ್ಧಾರೆ.

ಚಾಲಕನ ಸೀಟಿನಲ್ಲಿ ಪ್ರೊ.ಮಟ್ಟಿಹಾಳ ಹಾಗೂ ಪಕ್ಕದ ಸೀಟಿನಲ್ಲಿ ರುದ್ರಪ್ಪ ಅವರ ಕುಳಿತು ಸಾಗಿದರು. ಸಿಬ್ಬಂದಿ ಬೀಳ್ಕೊಟ್ಟರು.

‘ಕರ್ನಾಟಕ ವಿಶ್ವವಿದ್ಯಾಲಯದಲ್ಲಿ ಒಟ್ಟು 22 ವರ್ಷ 9 ತಿಂಗಳು ಕಾರ್ಯನಿರ್ವಹಿಸಿದ್ದೇನೆ. ಕುಲಪತಿಗಳಾಗಿದ್ದ ಪ್ರೊ.ಖಾಜಾಪೀರ, ಪ್ರೊ.ಎಸ್.ಕೆ.ಸೈದಾಪೂರ ಮೊದಲಾದವರ ಕಾರು ಚಾಲಕನಾಗಿ ಕೆಲಸ ಮಾಡಿದ್ಧೇನೆ. ಕುಲಸಚಿವರು ನನ್ನನ್ನು ನಿವೃತ್ತಿ ದಿನ ಕಾರಿನಲ್ಲಿ ಮನೆಗೆ ಬಿಟ್ಟಿದ್ದು ಖುಷಿಯಾಯಿತು’ ಎಂದು ರುದ್ರಪ್ಪ ಅಜ್ಜನ್ನವರ ‘ಪ್ರಜಾವಾಣಿ’ ಗೆ ತಿಳಿಸಿದರು.

ADVERTISEMENT

ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.