ಕಾಲಮಿತಿಯಲ್ಲಿ ಕಾಮಗಾರಿ ಮುಗಿಸಿ: ಶಾಸಕ ಎನ್.ಎಚ್. ಕೋನರಡ್ಡಿ

ನವಲಗುಂದ: ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಯ ಇಬ್ರಾಹಿಂಪೂರ ಗ್ರಾಮಕ್ಕೆ ಹೊಂದಿಕೊಂಡಿರುವ ಇಬ್ರಾಹಿಂಪೂರ–ಬೆಳಹಾರ ರಸ್ತೆಯನ್ನು ಅಂದಾಜು ₹25 ಲಕ್ಷ ವೆಚ್ಚದಲ್ಲಿ ಅಭಿವೃದ್ಧಿ ಕಾಮಗಾರಿಗೆ ಶಾಸಕ ಎನ್.ಎಚ್. ಕೋನರಡ್ಡಿ ಬುಧವಾರ ಭೂಮಿಪೂಜೆ ನೆರವೇರಿಸಿದರು.

ನಂತರ ಮಾತನಾಡಿ, ‘ಗ್ರಾಮೀಣ ಭಾಗಗಳಿಗೆ ಸಂಪರ್ಕ ಕಲ್ಪಿಸುವ ಉದ್ದೇಶದಿಂದ ಸುಗಮ ಸಂಚಾರ ಹಾಗೂ ಸಾರ್ವಜನಿಕರ ಹಿತದೃಷ್ಟಿಯಿಂದ ಈ ರಸ್ತೆ ನಿರ್ಮಿಸಲಾಗುತ್ತಿದೆ. ಕಾಲಮಿತಿಯಲ್ಲಿ ಕಾಮಗಾರಿ ಮುಗಿಸಬೇಕು’ ಎಂದು ಅಧಿಕಾರಿಗಳಿಗೆ ಸೂಚಿಸಿದರು.

ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಪ್ರಭಾವತಿ ಜೋಗಿ ಮಾತನಾಡಿ, ‘ಶಾಸಕರ ಅವಿರತ ಶ್ರಮದಿಂದ ತಾಲ್ಲೂಕಿನಲ್ಲಿ ಹಂತ ಹಂತವಾಗಿ ಎಲ್ಲ ಕ್ಷೇತ್ರಗಳಲ್ಲಿ ಅಭಿವೃದ್ಧಿ ಆಗುತ್ತಿದೆ. ಪಂಚಾಯಿತಿ ವ್ಯಾಪ್ತಿಯ ಎಲ್ಲ ಹಳ್ಳಿಗಳಲ್ಲಿ ಮೂಲಸೌಕರ್ಯ ಒದಗಿಸಿದ್ದಾರೆ’ ಎಂದು ಹೇಳಿದರು.

ಗ್ಯಾರಂಟಿ ಅನುಷ್ಠಾನ ಸಮಿತಿಯ ವರ್ಧಮಾನಗೌಡ ಹಿರೇಗೌಡ್ರ, ಶಿವಾನಂದ ಬೂಮಣ್ಣವರ, ತಾಲ್ಲೂಕು ಪಂಚಾಯಿತಿ ಅಧ್ಯಕ್ಷ ಮಾಜಿ ಎಂ.ಎಚ್. ಕುರಹಟ್ಟಿˌ, ರಾಜಣ್ಣ ಹಳ್ಯಾಳ,‌ ಸಂಕನಗೌಡ್ರ ಪಾಟೀಲ, ಹನಮಂತ ಚಿಕ್ಕಣ್ಣವರ, ಕಾಶಪ್ಪ ಗೊಣಸಂಗಿ, ಶೇಷರಡ್ಡಿ ಕುರಟ್ಟಿ, ಸುಭಾಸರಡ್ಡಿ ಕುರಟ್ಟಿ, ಶಿವಾನಂದ ಮುದರಡ್ಡಿ, ಸುರೇಶ ಮರ್ಚರಡ್ಡಿ, ಮುತ್ತಪ್ಪ ತಳವಾರ, ಮಲ್ಲಪ್ಪ ನಾಯ್ಕರ, ಸಿದ್ದಪ್ಪ ಜೋಗಿ, ಶಿವಾನಂದ ಚಿಪ್ಪಾಡಿ, ವಿ.ಆರ್. ಲಕ್ಕಣ್ಣವರ, ಭೀಮಪ್ಪ ವಂಕಣ್ಣವರ, ಮಾಬುಸಾಬ ಅನಸಾರಿ, ಸೋಮಶೇಖರ ಇದ್ದರು.