ಧಾರವಾಡ | ಸಂವಿಧಾನದ ಆಶಯದಂತೆ ಬದುಕಿ: ಡಾ. ಪಿ. ವಿಠ್ಠಲ್ ರಾವ್

ಧಾರವಾಡ: ‘ಪ್ರತಿಯೊಬ್ಬರೂ ಸಂವಿಧಾನದ ಆಶಯಗಳಂತೆ ಜೀವನ ಸಾಗಿಸಬೇಕು’ ಎಂದು ಎಸ್‍ಡಿಎಂ ವೈದ್ಯಕೀಯ ವಿಭಾಗದ ಪ್ರಾಧ್ಯಾಪಕ ಡಾ. ಪಿ. ವಿಠ್ಠಲ್ ರಾವ್ ಹೇಳಿದರು.

ಸತ್ತೂರಿನ ಎಸ್‍ಡಿಎಂ ವೈದ್ಯಕೀಯ ಮಹಾವಿದ್ಯಾಲಯದಲ್ಲಿ ಸೋಮವಾರ ನಡೆದ ಗಣರಾಜ್ಯೋತ್ಸವದಲ್ಲಿ ಮಾತನಾಡಿದರು. 

‘ವಿಜ್ಞಾನ, ತಂತ್ರಜ್ಞಾನ, ನಾವೀನ್ಯ ಮತ್ತು ಉದ್ಯಮಶೀಲತೆಯಲ್ಲಿ ದೇಶವು ಪ್ರಗತಿಯ ಹಾದಿಯಲ್ಲಿದೆ. ಹಾಗಾಗಿ, ವಿದ್ಯಾರ್ಥಿಗಳು ನಾಯಕತ್ವ ವಹಿಸಿಕೊಳ್ಳಬೇಕು. ಚೆನ್ನಾಗಿ ಅಧ್ಯಯನ ಮಾಡಿ, ಸಾಧನೆ ಮಾಡಬೇಕು’ ಎಂದರು.

ಎಸ್‍ಡಿಎಂ ವಿಶ್ವವಿದ್ಯಾಲಯದ ಕುಲಪತಿ ನಿರಂಜನಕುಮಾರ, ಕಾರ್ಯನಿರ್ವಾಹಕ ನಿರ್ದೇಶಕಿ ಪದ್ಮಲತಾ ನಿರಂಜನ್, ಕುಲಸಚಿವ ಚಿದೇಂದ್ರ ಶೆಟ್ಟರ್, ಸಹ ಕುಲಸಚಿವೆ ಅಜಂತಾ ಜಿ.ಎಸ್., ಹಣಕಾಸು ಅಧಿಕಾರಿ ವಿ.ಜಿ. ಪ್ರಭು, ಪ್ರಾಚಾರ್ಯ ವಿಜಯಕುಲಕರ್ಣಿ, ಕಿರಣ ಐತಾಳ್ ಇದ್ದರು