ಧಾರವಾಡ: ಚರಂಡಿ ಭಾಗದಲ್ಲಿ ನವಜಾತ ಶಿಶು ಪತ್ತೆ

ಧಾರವಾಡ: ನಗರದ ರೋಣಪುರದ ಹನುಮಂತ ದೇಗುಲ ಸಮೀಪದ ರಸ್ತೆ ಬದಿ ಚರಂಡಿ ಭಾಗದಲ್ಲಿ ಮಂಗಳವಾರ ನವಜಾತ ಶಿಶು ಸಿಕ್ಕಿದ್ದು, ಸಾರ್ವಜನಿಕರು ಶಿಶುವನ್ನು ಜಿಲ್ಲಾಸ್ಪತ್ರೆಗೆ ಒಯ್ದಿದ್ದಾರೆ.

ಗಟಾರ ಭಾಗದಲ್ಲಿ ಶಿಶು ಇರುವುದನ್ನು ಪಾದಚಾರಿಗಳು ನೋಡಿದ್ದಾರೆ. ತಕ್ಷಣವೇ ಅಲ್ಲಿಂದ ರಿಕ್ಷಾದಲ್ಲಿ ಆಸ್ಪತ್ರೆಗೆ ಕರೆದುಕೊಂಡು ಹೋಗಿದ್ದಾರೆ.

‘ಮಕ್ಕಳ ವಿಭಾಗದಲ್ಲಿ ಶಿಶುವನ್ನು ದಾಖಲಿಸಲಾಗಿದೆ. ಶಿಶುವನ್ನು ಚರಂಡಿ ಭಾಗದಲ್ಲಿ ಇಟ್ಟುಹೋಗಿದ್ದು ಯಾರು ಎಂಬುದು ಗೊತ್ತಾಗಿಲ್ಲ. ಸ್ಥಳ ಪರಿಶೀಲನೆ ನಡೆಸಿದ್ದೇವೆ. ಪತ್ತೆ ನಿಟ್ಟಿನಲ್ಲಿ ಕಾರ್ಯಾಚರಣೆ ಆರಂಭಿಸಿದ್ದೇವೆ’ ಎಂದು ಸಬ್‌ ಅರ್ಬನ್‌ ಠಾಣೆ ಪೊಲೀಸರು ತಿಳಿಸಿದ್ದಾರೆ