ಉದ್ಯೋಗದ ನೆಪದಲ್ಲಿ ವಂಚನೆ

ಹುಬ್ಬಳ್ಳಿ: ಉದ್ಯೋಗದ ನೆಪದಲ್ಲಿ ವಂಚಕಿಯೊಬ್ಬಳು ವಿದ್ಯಾರ್ಥಿಯೊಬ್ಬರಿಂದ ₹17,698 ಹಣ ಪಡೆದು ವಂಚಿಸಿದ್ದಾನೆ. ಬೆಂಗೇರಿಯ ಪ್ರವೀಣ ವಂಚನೆಗೊಳಗಾದವರು. ಉದ್ಯೋಗಕ್ಕಾಗಿ ವಿವಿಧ ಉದ್ಯೋಗ ತಾಣಗಳಲ್ಲಿ ನೋಂದಣಿ ಮಾಡಿಕೊಂಡಿದ್ದರು.

ಕಂಪನಿಯೊಂದರ ಮಾನವ ಸಂಪನ್ಮೂಲ ಅಧಿಕಾರಿ ಎಂದು ಕರೆ ಮಾಡಿದ ಶ್ರುತಿ ಎಂಬ ಅಪರಿಚಿತೆ, ಉದ್ಯೋಗಕ್ಕೆ ಸಂಬಂಧಿಸಿದ ಕೋರ್ಸ್ ಮುಗಿಸಲು ಹಣ ಪಾವತಿಸುವಂತೆ ಕೇಳಿದ್ದಾಳೆ. ನಿಜವೆಂದು ನಂಬಿದ ಪ್ರವೀಣ ಹಣ ಪಾವತಿಸಿದ್ದಾರೆ. ನಂತರ ಮೊಬೈಲ್ ಫೋನ್ ಸ್ವಿಚ್ ಆಫ್ ಮಾಡಿಕೊಂಡು ವಂಚಿಸಿದ್ದಾಳೆ. ಸೈಬರ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.