ಉಪ್ಪಿನಬೆಟಗೇರಿ | 'ಹವಾಮಾನ ವೈಪರೀತ್ಯ: ಗಿಡನೆಡಲು ಸಲಹೆ'

ಉಪ್ಪಿನಬೆಟಗೇರಿ: ’ಹವಾಮಾನ ವೈಪರೀತ್ಯ ಹಾಗೂ ಪರಿಸರ ಅಸಮತೋಲನ ಸರಿದೊಗಿಸಲು ಗಿಡ ನೆಡಬೇಕು’ ಎಂದು ಶ್ರೀಕ್ಷೇತ್ರ ಧರ್ಮಸ್ಥಳ ಸಂಘದ ಧಾರವಾಡ ತಾಲ್ಲೂಕಿನ ಯೋಜನಾಧಿಕಾರಿ ಅಶೋಕ.ಕೆ. ಹೇಳಿದರು.

ಧಾರವಾಡ ತಾಲ್ಲೂಕಿನ ಹಾರೋಬೆಳವಡಿ ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಶ್ರೀಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಹಾಗೂ ಗ್ರಾಮ ಪಂಚಾಯಿತಿ ವತಿಯಿಂದ ಶನಿವಾರ ಏರ್ಪಡಿಸಿದ್ದ’ಪರಿಸರ ಜಾಗೃತಿ ಮತ್ತು ಗಿಡನಾಟಿ’ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಶುದ್ದ ವಾತಾವರಣ ನಿರ್ಮಾಣ ಎಲ್ಲರ ಗುರಿಯಾಗಬೇಕು ಎಂದರು.

ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಕಾಳಮ್ಮ ಬಡಿಗೇರ, ಎಸ್.ಡಿ.ಎಂ.ಸಿ. ಅಧ್ಯಕ್ಷ ಶಿವಾನಂದ ಕನಾಜಿ, ಮಂಜುಳಾ ಪಾಟೀಲ, ರೇವತಿ ಗಳವೀನ, ಎ.ಎಂ.ನದಾಫ, ವಿಜಯಕಲಾ ಬಡಿಗೇರ, ಲಕ್ಷ್ಮಿ ಬೆಟಗೇರಿ, ವೀಣಾ ಪತ್ತಾರ, ಪ್ರಭು ಹಿರೇಮಠ, ಸಂಗೀತಾ ಭಾಗವಹಿಸಿದ್ದರು.