155 ಮಂದಿಗೆ ಕೊರೊನಾ ಸೋಂಕು ಪತ್ತೆ

ಹಾಸನ: ಜಿಲ್ಲೆಯಲ್ಲಿ ಹೊಸದಾಗಿ 155 ಮಂದಿ ಕೋವಿಡ್‌ 19 ದೃಢಪಟ್ಟಿದ್ದು, ಸೋಂಕಿತರ ಸಂಖ್ಯೆ 31,138ಕ್ಕೆ ಏರಿಕೆಯಾಗಿದೆ.

1,232 ಸಕ್ರಿಯ ಪ್ರಕರಣಗಳ ಪೈಕಿ 16 ಮಂದಿ ತೀವ್ರ ನಿಗಾ ಘಟಕದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಗುರುವಾರ ಬಿಡುಗಡೆಯಾದ 72 ಮಂದಿ ಸೇರಿದಂತೆ ಈವರೆಗೆ 29,421 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ಕಾಯಿಲೆಯಿಂದ 485 ಮಂದಿಮೃತಪಟ್ಟಿದ್ದಾರೆ.

ಹೊಸದಾಗಿ ಹಾಸನ ತಾಲ್ಲೂಕಿನ 70 ಮಂದಿ, ಅರಸೀಕೆರೆ 32, ಚನ್ನರಾಯಪಟ್ಟಣ 13, ಬೇಲೂರು 3, ಹೊಳೆನರಸೀಪುರ 4, ಆಲೂರು 2, ಸಕಲೇಶಪುರ 23, ಅರಕಲಗೂಡು 6 ಹಾಗೂ ಇತರೆ ಜಿಲ್ಲೆಯ 2 ಮಂದಿಗೆ ಕೊರೊನಾ ಸೋಂಕು ದೃಢಪಟ್ಟಿದೆ ಎಂದು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ. ಕೆ.ಎಂ. ಸತೀಶ್ ಕುಮಾರ್‌ ತಿಳಿಸಿದ್ದಾರೆ.